Një videokasetë që tërheq vëmendjen te një prirje e rëndësishme në mjekësi
Profesionistë në fushën ligjore dhe për kujdesin shëndetësor po u kushtojnë gjithnjë e më shumë vëmendje pikëpamjeve etike dhe të drejtave të pacientëve. Kjo ka bërë të mundur të zbatohen terapi dhe metoda të reja nga të cilat Dëshmitarët e Jehovait mund të nxjerrin dobi. (Vep. 15:28, 29) Rreth këtij argumenti përqendrohet videokaseta Transfuzioni: Kujdesi mjekësor alternativ plotëson nevojat dhe të drejtat e pacientit. Shikojeni dhe më pas shqyrtoni se çfarë keni mësuar.—Vini re: Meqë videokaseta përfshin skena të shkurtra kirurgjike, prindërit duhet të tregojnë maturi kur ta shohin videokasetën me fëmijët e vegjël.
(1) Pse disa personalitete në fushën e mjekësisë po e rishqyrtojnë vlerën e përdorimit të transfuzioneve? (2) Jepni tre shembuj të operacioneve të ndërlikuara që mund të kryhen pa transfuzione gjaku. (3) Sa mjekë dhe kirurgë në mbarë botën janë treguar të gatshëm për t’i trajtuar pacientët pa transfuzione gjaku? Pse janë të gatshëm të veprojnë kështu? (4) Çfarë kanë zbuluar studime spitalore të kohëve të fundit në lidhje me përdorimin e gjakut? (5) Cilat janë rreziqet mjekësore që lidhen me transfuzionet? (6) Në ç’përfundim kanë arritur shumë specialistë lidhur me dobitë e alternativave të tjera përveç transfuzionit? (7) Nga se shkaktohet anemia? Deri në ç’masë mund ta tolerojë njeriu? Çfarë mund të bëhet për ta kompensuar atë? (8) Si mund të stimulohet prodhimi i rruazave të kuqe te trupi i një pacienti? (9) Cilat teknika përdoren për të minimizuar humbjen e gjakut gjatë operacioneve? (10) A mund të jenë të efektshme alternativat e tjera, përveç transfuzionit, te fëmijët e vegjël ose te njerëzit që ndodhen në situata urgjente ku rrezikohet jeta? (11) Cili është një nga parimet etike kryesore të një kujdesi mjekësor të mirë? (12) Pse është e rëndësishme për të krishterët që të vendosin që më përpara se cilat terapi pa gjak do të pranojnë? Si mund ta bëjmë këtë?
Pranimi i disa terapive që paraqiten në këtë videokasetë është një vendim personal që duhet ta marrë çdo individ në përputhje me ndërgjegjen e stërvitur sipas Biblës. A keni vendosur se cilën alternativë tjetër përveç transfuzionit do të pranoni për veten dhe për fëmijët? Edhe familjarët që nuk janë Dëshmitarë duhen informuar plotësisht në lidhje me vendimet tuaja dhe arsyet pse keni marrë këto vendime.—Shih artikullin «Pyetje nga lexuesit» në numrat e Kullës së Rojës të 15 qershorit 2004 dhe 15 tetorit 2000.