Kutia e pyetjes

◼ A është e përshtatshme që kongregacionet ose individët të përdorin simbolet e korporatave ligjore të përdorura nga Dëshmitarët e Jehovait?

Një simbol është një emër, një markë ose një figurë që përdoret për të identifikuar lehtë e qartë një ent të caktuar. Simboli «Watch Tower» paraqet shoqatën Watch Tower Bible and Tract Society of Pennsylvania dhe korporata të tjera të përdorura nga organizata. Korporata Kongregacioni i krishterë i Dëshmitarëve të Jehovait përdor si simbol një Bibël të hapur në krye të letrave. Korporata të tjera që përdoren nga Dëshmitarët e Jehovait, kanë simbole të tjera.

Kongregacionet a individët nuk duhet të përdorin simbole ose emra të enteve ligjore të organizatës, e as variante të ngjashme me to, në Sallat e Mbretërisë, në tabela, në krye të letrave, në objekte personale e kështu me radhë. Një përdorim i tillë i simboleve të organizatës mund t’i ngatërrojë nëpunësit publikë, lajmëtarët dhe të tjerët për lidhjen ligjore të kongregacionit me entet ligjore të organizatë. Po kështu, letrat mund të keqkuptohen e të merren sikur janë miratuar ose dërguar nga selia botërore a nga zyra e degës.

Simboli «Watch Tower» ose variante të ngjashme me të, nuk duhen përdorur në projektet e ardhshme të Sallave të Mbretërisë, madje edhe nëse Salla e Mbretërisë është pronë e entit Watch Tower. Kongregacioneve që tashmë kanë një Sallë Mbretërie me simbol, nuk u kërkohet të bëjnë ndryshim të menjëhershëm të tabelave ose shenjave identifikuese, pasi kjo mund të kërkojë ndryshime të mëdha dhe shumë kohë, punë e shpenzime. Megjithatë, duhet shqyrtuar ndryshimi i simboleve nëse nuk kërkohen ndryshime të mëdha dhe shumë punë. Në të kundërt, kjo mund të bëhet kur ndërtesa ose tabela identifikuese ka kohën për rinovim.