Çfarë të themi për revistat?

Kulla e Rojës 1 mars

Lexojmë Daljen 20:15. Pastaj themi: «Edhe pse shumica përpiqet ta zbatojë këtë urdhërim, disa mendojnë që vjedhja dhe ndonjë pandershmëri tjetër, mund të justifikohen në rrethana ekstreme. Po ju, çfarë mendoni? [Presim përgjigjen.] Ky artikull shqyrton dobitë që vijnë kur jemi gjithnjë të ndershëm.» Tregojmë artikullin që fillon në faqen 12.

Zgjohuni! mars

«Shumë kanë respekt për Biblën, por mendojnë se pjesa më e madhe e saj ka pak vlerë praktike në botën e sotme moderne. Cili është mendimi juaj? [Presim përgjigjen. Pastaj lexojmë Romakëve 15:4.] Ky artikull shpjegon pse edhe pjesët më të vjetra të Biblës janë ende të vlefshme.» Tregojmë artikullin që fillon në faqen 28.

Kulla e Rojës 1 prill

«Kur i pyesin se cili është njeriu që ka ndikuar më tepër në histori, shumë thonë Jezui. Po ju, a mendoni të njëjtën gjë? [Presim përgjigjen.] Vini re pse duhet të përpiqemi të gjejmë të vërtetën për Jezuin megjithëse ekzistojnë opinione të kundërta për të. [Lexojmë Gjonin 17:3.] Ky numër special i Kullës së Rojës tregon se çfarë thotë në të vërtetë Bibla për Jezuin dhe mësimet e tij.»

Zgjohuni! prill

«Duket se nuk kemi mjaft kohë për të bërë gjithçka që do të donim. A jeni dakord? [Presim përgjigjen.] Shumë vetave u është dukur e dobishme kjo këshillë. [Lexojmë Filipianëve 1:10.] Kjo revistë jep disa sugjerime praktike që do të na ndihmojnë ta përdorim kohën me efektshmëri.»