Çfarë të themi për revistat?

Kulla e Rojës 1 gusht

«Si mendoni, për çfarë kanë nevojë njerëzit që të jenë të lumtur? [Presim përgjigjen. Pastaj lexojmë Mateun 5:3.] Kjo ishte vetëm një nga këshillat e Jezuit për lumturinë. Ky artikull tregon se ç’mësojmë nga Jezui për të gjetur lumturinë e vërtetë.» Tregojmë artikullin që fillon në faqen 16.

Zgjohuni! gusht

«Në shumë filma sot flitet për demonë, magjistarë dhe shtriganë. A mendoni se ekzistojnë vërtet demonët? [Presim përgjigjen. Pastaj lexojmë 1 Korintasve 10:20.] Ky artikull tregon se çfarë thotë Bibla për demonët dhe si mund të mbrohemi prej tyre.» Tregojmë artikullin që fillon në faqen 20.

Kulla e Rojës 1 shtator

Përmend një lajm tronditës për vendin. Pastaj thuaj: «A e keni pyetur ndonjëherë veten se përse bëhen kaq të ligj njerëzit? [Presim përgjigjen.] Bibla na jep arsye për të shpresuar në një të ardhme më të mirë. [Lexojmë 2 Pjetrit 3:13.] Kjo revistë tregon se ç’thotë Bibla rreth shkaqeve të ligësisë dhe se si Perëndia do t’i japë fund asaj.»

Zgjohuni! shtator

«Si mendoni, mjetet e sotme të komunikimit, si celularët, posta elektronike dhe dhomat e bisedave në Internet, i kanë bërë njerëzit të ndihen më pak apo më shumë të vetmuar? [Presim përgjigjen.] Këtu jepet një sugjerim që na ndihmon ta përballojmë vetminë. [Lexojmë Veprat 20:35.] Në këtë revistë jepen edhe këshilla të tjera praktike nga Bibla.»