Periudha e Përkujtimit—Një mundësi për të rritur shërbimin
1. Çfarë arsyesh kemi për të menduar nëse mund ta rritim shërbimin gjatë muajve mars, prill dhe maj?
1 A mund ta rritësh pjesëmarrjen në shërbim gjatë periudhës së ardhshme të Përkujtimit? Në mjaft vende moti do të jetë i mirë dhe ditët më të gjata. Disa lajmëtarë do të jenë pushim nga puna ose nga shkolla dhe kështu mund të përfitojnë për të dalë në shërbim. Duke filluar nga data 2 prill, do të bëhet një fushatë speciale për të ftuar të interesuarit të marrin pjesë në Përkujtim më 17 prill. Më pas, do të përpiqemi të ndjekim interesin e atyre që do të jenë të pranishëm dhe do t’i ftojmë në fjalimin special që do të mbahet gjatë javës që fillon më 25 prill. Vërtet, kemi mjaft arsye për të menduar nëse mund ta rritim shërbimin gjatë muajve mars, prill dhe maj.
2. Cila është një mënyrë e shkëlqyer për të bërë më shumë në shërbim?
2 Të shërbejmë si pionierë ndihmës: Një mënyrë e shkëlqyer për të bërë më shumë është duke shërbyer si pionierë ndihmës. Ngaqë të gjithë jemi të ngarkuar, kjo në përgjithësi kërkon të planifikojmë që më përpara dhe të rregullojmë programin tonë. (Prov. 21:5) Ndoshta mund t’i lini për më vonë disa veprimtari jo shumë të rëndësishme të programit tuaj. (Filip. 1:9-11) Pse nuk flisni me të tjerë në kongregacion për dëshirën tuaj për të shërbyer si pionierë ndihmës dhe shihni nëse edhe ata mund të shërbejnë me ju si të tillë?
3. Si mund të marrin masa familjet që të rritin shërbimin?
3 Kur të bëni Adhurimin Familjar herën tjetër, do të ishte mirë të bisedonit për synimet tuaja si familje. (Prov. 15:22) Duke bashkëpunuar, ndoshta disa pjesëtarë të familjes mund të shërbejnë si pionierë ndihmës për një muaj ose më shumë. Po nëse shihni se kjo nuk është e mundur? Prapëseprapë familja mund të marrë masa për të bërë më shumë duke dalë në shërbim disa herë në mbrëmje ose duke dalë më gjatë në fundjavë.
4. Çfarë bekimesh do të kemi nëse rritim shërbimin gjatë periudhës së Përkujtimit?
4 Jehovai vëren gjithçka bëjmë për t’i shërbyer atij dhe i vlerëson sakrificat tona. (Hebr. 6:10) Kur bëjmë për Jehovain dhe të tjerët, kjo na sjell veç gëzim. (1 Kron. 29:9; Vep. 20:35) A mund ta rritni shërbimin gjatë periudhës së Përkujtimit dhe të korrni më tepër gëzim e bekime?