Ruaj ndërgjegjen!
1. Cila është tema e asamblesë speciale njëditore për vitin e shërbimit 2013 dhe cili është qëllimi i saj?
1 Çdo ditë, hasim situata që mund të na shtyjnë të ndotim ndërgjegjen tonë. Ja pse asambleja speciale njëditore për vitin e shërbimit 2013, që fillon më 1 shtator 2012, ka temën «Ruaj ndërgjegjen!» (1 Tim. 1:19) Kjo asamble ka për qëllim të na ndihmojë t’i kushtojmë vëmendje të veçantë mënyrës si e përdorim këtë dhuratë të jashtëzakonshme nga Krijuesi ynë.
2. Çfarë pyetjesh të rëndësishme do të marrin përgjigje gjatë asamblesë?
2 Kërkoni përgjigjet e këtyre pyetjeve: Asambleja do t’u japë përgjigje shtatë pyetjeve kryesore për ndërgjegjen:
• Çfarë e vë në rrezik ndërgjegjen?
• Si mund ta stërvitim ndërgjegjen?
• Si mund të jemi të pastër nga gjaku i gjithë njerëzve?
• Çfarë tregon për ne kur mendojmë e veprojmë në bazë të parimeve biblike?
• Si të mos i lëndojmë të tjerët në çështje ndërgjegjeje?
• Të rinj, si mund të duroni kur jeni nën presion për të bërë kompromis?
• Si bekohen ata që ndjekin ndërgjegjen e drejtuar nga fryma?
3. Si mund të nxjerrim dobi nga asambleja?
3 Me ndihmën e Jehovait, mund t’i bëjmë ballë përpjekjeve të Satanait për të na ndotur ndërgjegjen. Me anë të Fjalës së Perëndisë dhe organizatës së tij, Ati ynë i dashur qiellor po na thotë: «Kjo është udha. Ecni në të!» (Isa. 30:21) Kjo asamble është një mënyrë se si na drejton Jehovai. Prandaj, merrni masa që të jeni të pranishëm gjatë gjithë programit. Jini të vëmendshëm dhe mendoni si mund t’i zbatoni në jetën tuaj ato që dëgjoni. Diskutoni me familjen për programin. Zbatimi i udhëzimeve që do të marrim, do të na forcojë ‘të mbajmë një ndërgjegje të mirë’ dhe do të na ndihmojë të mos joshemi nga kënaqësitë kalimtare të botës së Satanait e të devijojmë nga udha.—1 Pjet. 3:16.