A mund t’i ftosh në shërbim?

Në mjaft kongregacione ka lajmëtarë që nuk mund të bëjnë shumë në shërbim për shkak të sëmundjeve kronike ose moshës së shkuar. (2 Kor. 4:16) A mund të ftosh dikë me këto rrethana të të shoqërojë në një studim biblik? Nëse lajmëtari nuk mund të dalë nga shtëpia, mund ta drejtosh studimin te shtëpia e tij ose e saj. A mund t’i rregullosh gjërat që ndonjëherë të marrësh në shërbim një lajmëtar me shëndet të dobët e të bëni pak dyer në territor ose një a dy rivizita? Shumë lajmëtarë të moshuar kanë goxha përvojë në shërbim. Prandaj, falë përpjekjeve të tua edhe ata do të inkurajohen, por edhe ti do të nxjerrësh dobi. (Rom. 1:12) Veç kësaj, Jehovai do të të shpërblejë ndërsa përpiqesh të tregosh dashuri në këtë mënyrë.​—Prov. 19:17; 1 Gjon. 3:17, 18.