Përdorini mirë numrat e kaluar të revistave

Meqë numrat e kaluar të revistave nuk i sjellin dobi askujt nëse i grumbullojmë në shtëpi ose i hedhim, duhet të përpiqemi t’i shpërndajmë. Një revistë e vetme mund t’i ngjallë dikujt interesin për të vërtetën e ta shtyjë të thërrasë emrin e Jehovait. (Rom. 10:13, 14) Më poshtë jepen disa sugjerime se si t’i përdorim mirë revistat e kaluara.

• Kur predikoni në territore që punohen rrallë dhe nuk gjeni njeri në shtëpi, ndoshta mund të lini një revistë në një vend që nuk shihet nga kalimtarët.

• Kur dëshmoni publikisht nëpër vende ku njerëzit presin, për shembull në stacione autobusësh ose trenash, pyetini nëse duan diçka për të lexuar e pastaj tregojini disa numra të kaluar të revistave dhe lërini të zgjedhin.

• Kur predikoni në ndonjë klinikë, azil ose vende të tilla që janë brenda territorit tuaj, lini disa numra të kaluar të revistave në recepsion. Në përgjithësi është mirë të marrim leje nga personi përgjegjës nëse ai ose ajo është aty. Nëse shihni se ka tashmë disa revista, mos lini të tjera.

• Kur përgatiteni për rivizitat, mendoni çfarë i intereson personit që do të takoni. A ka familje? A i pëlqejnë udhëtimet? A ka qejf të merret me kopshtari? Kërko në revistat e kaluara ndonjë artikull që mund t’i pëlqejë dhe tregojani kur ta vizitoni.

• Kur gjeni një të interesuar që nuk keni arritur ta takoni për shumë kohë, tregojini disa nga revistat e kaluara që nuk ka marrë.