Elija iu afrua Akabit dhe i tha: «Ngjitu lart, ha dhe pi, sepse dëgjohet zhurma e një rrebeshi.» (Vargu 41)

Faktikisht Elija sapo i kishte thënë mbretit Akab: «Dëgjohet zhurma e një rrebeshi.» Si mund ta thoshte këtë profeti kur në qiell nuk dukej asnjë re?

Elija e dinte premtimin e Jehovait. Si profet dhe përfaqësues i Jehovait, ishte i sigurt se Perëndia i tij do ta mbante fjalën. Elija ishte aq i sigurt, sa i dukej sikur po e dëgjonte zhurmën e rrebeshit. Kjo mund të na sjellë ndër mend atë që thotë Bibla për Moisiun: «Qëndroi i palëkundur si të shihte Atë që është i padukshëm.» A është po kaq real për ty Perëndia? Ai na jep mjaft arsye që të kemi këtë lloj besimi tek ai dhe te premtimet e tij.—Hebrenjve 11:1, 27.