(Lexo Ezekielin 34:22-24.) Perëndia ‘do të caktojë një bari të vetëm’, të cilin e quan «shërbëtori im David». Shprehja ‘një bari i vetëm’ bashkë me njëjësin e fjalës ‘shërbëtor’, nënkuptojnë se Mbreti do të jetë trashëgimtari i vetëm që do të ulet përgjithmonë në fronin e Davidit.

20, 21. (a) Si u përmbush profecia për atë që quhet ‘shërbëtori im David’? (b) Si do të përmbushen në të ardhmen fjalët e Ezekielit për ‘besëlidhjen e paqes’?

²⁰ Përmbushja. Duke e quajtur Mbretin ‘shërbëtori im David’, Perëndia iu referua në mënyrë profetike Jezuit, pasardhësit të Davidit që ka të drejtën ligjore për të mbretëruar. (Psal. 89:35, 36) Kur ishte në tokë, Jezui tregoi me prova se është «bariu i shkëlqyer», duke dhënë jetën «për delet». (Gjoni 10:14, 15) Tani shërben si Bari në qiell. (Hebr. 13:20)