(1) Në fillim kemi vegimin e shëmbëlltyrës së tmerrshme, koka prej ari e së cilës përfaqëson dinastinë e mbretërve babilonas, që nis me Nabukodonosorin, dhe pas së cilës dalin tri mbretëri të tjera, sikurse përshkruhet nga pjesët e tjera të shëmbëlltyrës. Këto janë mbretëritë që u thërrmuan nga «guri», i cili, nga ana e vet, bëhet «një mbretëri që nuk do të shkatërrohet kurrë», Mbretëria e Perëndisë. (2:31-45)

23. (a) Si theksohet shpresa e Mbretërisë gjatë gjithë librit të Danielit? (b) Për çfarë duhet të na nxitë ky libër profetik?

²³ Shpresa e Mbretërisë theksohet kudo gjatë librit të Danielit në një mënyrë që të ngjall besim! Perëndia Jehova shfaqet si Sovrani Tejet i Lartë, i cili vendos një mbretëri që nuk do të shkatërrohet kurrë e që do të thërrmojë gjithë mbretëritë e tjera. (2:19-23, 44; 4:25)

Ai është Mikaeli, princi i madh, që ushtron fuqinë e Mbretërisë së tij për të thërrmuar e për t’u dhënë fund gjithë mbretërive të kësaj bote të vjetër. (Dan. 12:1; 2:44; Mat. 24:3, 21; Zbul. 12:7-10)