14. Deri ku do të shkonte shqyrtimi që do t’u bënte Perëndia atyre që pohonin se ishin adhurues të tij?

¹⁴ Deri ku do të shkonte shqyrtimi që do t’u bënte Jehovai atyre që pohonin se ishin adhurues të tij? Profecia vazhdon: «Në atë kohë do të ndodhë që unë do të kontrolloj Jerusalemin me llamba dhe do të ndëshkoj njerëzit që, duke qëndruar në llumin e tyre, thonë në zemër të tyre: ‘Zoti nuk bën as të mirë as të keq.’

Sofonia 1:12,

15. (a) Çfarë do t’u ndodhte priftërinjve apostatë të Jerusalemit? (b) Çfarë i pret praktikuesit e sotëm të fesë së rreme?

¹⁵ Priftërinjtë apostatë të Jerusalemit ishin duke e përzier adhurimin e Jehovait me fenë e rreme. Ndonëse ata ndiheshin të sigurt, Perëndia do t’i kërkonte si me llamba të shndritshme që do të depërtonin në errësirën frymore ku kishin gjetur strehë. Asnjë nuk do t’i shpëtonte shpalljes dhe ekzekutimit të gjykimit hyjnor. Ata apostatë të vetëkënaqur kishin zënë vend rehat si llumi në fund të një buti me verë. Ata nuk donin të shqetësoheshin nga ndonjë deklaratë për ndërhyrjen hyjnore në çështjet e njerëzve, por nuk do t’i shpëtonin ekzekutimit të gjykimit të Perëndisë. Po kështu, nuk do të ketë shpëtim për praktikuesit e sotëm të fesë së rreme, duke përfshirë anëtarët e të ashtuquajturit krishterim dhe ata që kanë dalë apostatë kundër adhurimit të Jehovait. Duke mohuar faktin që këto janë «ditët e fundit», ata thonë në zemrat e tyre «Zoti nuk bën as të mirë as të keq». Sa gabohen!—2 Timoteut 3:1-5; 2 Pjetrit 3:3, 4, 10.