«Nëse je bir i Perëndisë . . .»

3, 4. (a) Me çfarë fjalësh i nisi Satanai dy tundimet e para dhe çfarë dyshimesh donte të ngjallte në mendjen e Jezuit? (b) Çfarë taktikash të ngjashme përdor Satanai sot?

³ Lexo Mateun 4:1-7. Satanai i nisi dy tundimet e para me fjalët tinëzare «nëse je bir i Perëndisë». Mos vallë dyshonte se Jezui është Bir i Perëndisë? Aspak. Ky engjëll rebel e dinte fare mirë se Jezui është Biri i parëlindur i Perëndisë. (Kolos. 1:15) Me siguri, Satanai ishte në dijeni edhe të fjalëve që tha Jehovai nga qielli, kur u pagëzua Jezui: «Ky është Biri im, Biri im i dashur, që unë e kam miratuar.» (Mat. 3:17) Mbase Satanai donte të ngjallte në mendjen e Jezuit dyshime rreth besueshmërisë dhe dashurisë së Atit.

Ndërsa, kur e tundoi për herë të dytë dhe e nxiti të hidhej nga bedenat e tempullit, në njëfarë mënyrë po i thoshte: «Ti je Biri i Perëndisë, por a je vërtet i sigurt se Ati do të të mbrojë?»