10. Si reagoi Jezui ndaj tundimit të tretë dhe pse?

¹⁰ Le të shohim si reagoi Jezui ndaj tundimit të tretë. Duke treguar besnikëri absolute ndaj Jehovait, Jezui e refuzoi menjëherë ofertën e Tunduesit me fjalët: «Ik tutje, Satana!» Pastaj, siç bëri në dy tundimet e para, citoi nga Ligji i përtërirë një varg që përmban emrin hyjnor: «Është shkruar: ‘Jehovain, Perëndinë tënd, adhuro dhe vetëm atij bëji shërbim të shenjtë.’» (Mat. 4:10; Ligj. 6:13) Kështu, Jezui hodhi poshtë tundimin për të pasur një karrierë të suksesshme, por jetëshkurtër në këtë botë, si dhe për të bërë një jetë të rehatshme e pa vuajtje. Ai e pranoi se Ati i tij është i vetmi që meriton të adhurohet dhe se ‘të adhuronte’ Satanain, qoftë edhe një herë, do të thoshte t’i nënshtrohej atij. Me vendosmëri, nuk pranoi që ai Tundues i lig të bëhej perëndia i tij.

Kur me besnikëri ‘i kundërvihemi [Satanait], të patundur në besim’, faktikisht po themi: «Ik tutje, Satana!» (1 Pjet. 5:9) Të mos harrojmë, Satanai u largua vetëm pasi Jezui e hodhi poshtë me vendosmëri ofertën e tij. Në mënyrë të ngjashme, Bibla na siguron me fjalët: «Kundërvijuni Djallit, e ai do të ikë nga ju.»—Jak. 4:7.