a «Kohët e rivendosjes së të gjitha gjërave» filluan kur u vendos Mbretëria mesianike me një trashëgimtar të mbretit David në fron. Jehovai i kishte premtuar Davidit se një nga trashëgimtarët e tij do të vazhdonte të sundonte përgjithmonë. (Psalmi 89:35-37) Por, pasi Babilonia shkatërroi Jerusalemin në vitin 607 p.e.s., asnjë pasardhës njerëzor i Davidit nuk u ul më në fronin e Perëndisë. Jezui, i cili lindi në tokë si trashëgimtar i Davidit, u bë ai Mbret i premtuar që prej shumë kohësh, kur hipi në fron në qiell.