Zbulesa 20:​11,

«Pashë një fron të bardhë e të madh, si dhe atë që rri ulur në të. Përpara tij u zhdukën toka e qielli, dhe s’pati më vend për ta.

Kush është Gjykatësi që përshkruhet këtu?

Gjykatësi suprem i njerëzimit është Perëndia Jehova. Megjithatë, punën konkrete të gjykimit ai e ka deleguar ose ia ka dhënë dikujt tjetër. Sipas Veprave 17:​31, apostulli Pavël tha se Perëndia «ka caktuar një ditë, kur ka si qëllim të gjykojë me drejtësi tokën e banuar nëpërmjet një njeriu që ka emëruar». Ky Gjykatës i emëruar nga Perëndia është Jezu Krishti i ringjallur. (Gjoni 5:22)