BANI

[nga rrënja e fjalës që do të thotë «ndërtoj»].

1. Levit, pasardhës i Merarit dhe paraardhës i Etanit, të cilin Davidi e caktoi të shërbente në tempull.​—1Kr 6:​31, 44, 46.

2. Një nga burrat e fuqishëm të Davidit; gadit.​—2Sa 23:36.

3. Pasardhës i Judës nga Perezi; pas kthimit nga mërgimi, pasardhësit e tij jetuan në Jerusalem. (1Kr 9:3, 4) Kreu i një familjeje. Ndoshta ishte Bani nr. 4 dhe 5 ose 4 dhe 6.

4. Kreu i një familjeje, pasardhësit e të cilit (më shumë se 600) u kthyen në Jerusalem me Zorobabelin. (Ezd 2:1, 10) Te Nehemia 7:15 quhet Binui.​—Shih Bani nr. 3.

5. Kreu i një familjeje; gjashtë pasardhës të tij larguan gratë e huaja dhe bijtë e tyre në kohën e Ezdrës. Nuk është Bani nr. 6.​—Ezd 10:29, 44; shih Bani nr. 3.

6. Kreu i një familjeje në Izrael; me sa duket 12 pasardhës të tij larguan gratë e huaja dhe bijtë e tyre në kohën e Ezdrës. Nuk është Bani nr. 5.​—Ezd 10:34, 44; shih Bani nr. 3.

7. Levit; i biri, Rehumi, ndihmoi për meremetimin e murit të Jerusalemit në vitin 455 p.e.s. Krahaso Bani nr. 8-10, 12.​—Ne 3:17.

8. Levit që ndihmoi Ezdrën kur i lexoi dhe i shpjegoi Ligjin popullit.​—Ne 8:7; 9:4, 5; shih Bani nr. 7.

9. I dyti nga dy levitë me emrin Bani që ishin në platformë kur Izraeli rrëfeu publikisht mëkatet në vitin 455 p.e.s.​—Ne 9:4.

10. Levit, pasardhësi i të cilit, në mos ai vetë, vulosi ‘marrëveshjen e denjë për besim’ të Nehemisë.​—Ne 9:38; 10:13.

11. Një nga «krerët e popullit», pasardhësi i të cilit, në mos ai vetë, vulosi ‘marrëveshjen e denjë për besim’.​—Ne 9:38; 10:14.

12. Levit, pasardhës i Asafit; i biri, Uzi, ishte mbikëqyrës i levitëve në Jerusalem në kohën e Nehemisë.​—Ne 11:22; shih Bani nr. 7.