ÇFARË THOTË BIBLA

Bibla mëson se në Parajsë do të jetojnë «të drejtët». Por, kush është i drejtë në sytë e Perëndisë? Jo ai që bën ritet e fesë së tij, e ndërkohë shpërfill vullnetin e Perëndisë. Bibla thotë: «A kënaqet Jehovai me blatimet e djegura dhe flijimet, aq sa kur i bindesh zërit të Jehovait? Të bindesh është më mirë se flijimi.» (1 Samuelit 15:22) E thënë thjesht, «të drejtët» që do të jetojnë përgjithmonë në Parajsë, janë ata që u binden urdhërimeve të Perëndisë që gjenden në Bibël.

«Të drejtët do të trashëgojnë tokën dhe do të banojnë përgjithmonë në të.»​—Psalmi 37:29.