• Mund ta fitosh vëllanë tënd
    Kulla e Rojës—1999 | 15 Tetor

    • 5, 6. Në përputhje me kontekstin, për çfarë lloj mëkati bëhej fjalë në Mateun 18:15 dhe çfarë tregon kjo?

      5 Në kuptimin e ngushtë të fjalës, ajo që këshilloi Jezui lidhet me çështje më të rënda. Jezui tha: «Nëse vëllai yt kryen një mëkat.» Në një kuptim të gjerë, «mëkat» mund të jetë çdo gabim ose e metë. (Jobi 2:10; Fjalët e urta 21:4; Jakobit 4:17) Megjithatë, konteksti sugjeron se mëkati që kishte ndër mend Jezui duhet të ketë qenë i rëndë. Ai ishte aq i rëndë, sa mund të bënte që keqbërësi të konsiderohej si «një njeri i kombeve dhe një tagrambledhës». Çfarë përfshin kjo frazë?

      6 Dishepujt e Jezuit që po dëgjonin këto fjalë e dinin se bashkëkombësit e tyre nuk shoqëroheshin me johebrenjtë. (Gjoni 4:9; 18:28; Veprat 10:28) Veç kësaj, ata i shmangnin plotësisht tagrambledhësit, njerëz që ishin hebrenj të lindur, por ishin kthyer në keqtrajtues të popullit. Prandaj, në kuptimin e ngushtë të fjalës, referimi në Mateun 18:15-17 bëhej për mëkate të rënda, jo për fyerje personale ose lëndime që thjesht mund të falen dhe të harrohen.—Mateu 18:21, 22.a

  • Mund ta fitosh vëllanë tënd
    Kulla e Rojës—1999 | 15 Tetor

    • a Në një enciklopedi (McClintock and Strong’s Cyclopedia), thuhet: «Tagrambledhësit [mbledhësit e taksave] e Besë[lidhjes] së Re konsideroheshin si tradhtarë dhe apostatë, të ndotur nga shoqërimi i shpeshtë me paganët, instrumente të vullnetshme të shtypësit. Ata i klasifikonin me mëkatarët . . . Të braktisur, duke qenë se njerëzit me një jetë të pastër u qëndronin larg, këta gjenin si të vetmit miq ose shokë ata që, ashtu si vetë tagrambledhësit, ishin llumi i shoqërisë.»