MËSIMI 13
Si kanë hedhur baltë mbi reputacionin e Perëndisë fetë e rreme?
Nëse Perëndia është dashuri, pse fetë që thonë se e përfaqësojnë atë, kanë bërë kaq shumë të këqija? Arsyeja është se këto fe janë të rreme, dhe me fjalët e veprimet e tyre kanë bërë që njerëzit të krijojnë përshtypje të gabuara për Perëndinë. Si kanë hedhur baltë mbi reputacionin e Perëndisë? Si ndihet Perëndia për këtë? Çfarë do të bëjë ai?
1. Si kanë hedhur baltë mbi reputacionin e Perëndisë me mësimet e tyre fetë e rreme?
Fetë e rreme ‘e kanë këmbyer të vërtetën e Perëndisë me gënjeshtrën’. (Romakëve 1:25) Për shembull, shumica e feve nuk u kanë mësuar besimtarëve të tyre emrin e Perëndisë. Megjithatë, Bibla thotë se duhet ta përdorim atë. (Romakëve 10:13, 14) Kur ndodh ndonjë tragjedi, disa udhëheqës fetarë thonë se ishte vullneti i Perëndisë. Por kjo është gënjeshtër. Perëndia nuk sjell kurrë të këqija. (Lexo Jakovin 1:13.) Mjerisht, gënjeshtrat që thonë fetë i kanë larguar njerëzit prej tij.
2. Si kanë hedhur baltë mbi reputacionin e Perëndisë me veprimet e tyre fetë e rreme?
Fetë e rreme nuk i trajtojnë njerëzit ashtu siç i trajton Jehovai. Bibla thotë se ‘mëkatet e tyre janë grumbulluar e kanë arritur deri në qiell’. (Zbulesa 18:5) Për shekuj të tërë, fetë janë përfshirë në politikë, kanë mbështetur luftëra dhe kanë shkaktuar ose miratuar vdekjen e një numri të madh njerëzish. Disa udhëheqës fetarë bëjnë jetë luksoze falë parave që marrin nga ndjekësit e tyre. Me veprimet e tyre, ata tregojnë se nuk e njohin fare Perëndinë, prandaj nuk kanë të drejtë ta përfaqësojnë.—Lexo 1 Gjonit 4:8.
3. Si i sheh Perëndia fetë e rreme?
Nëse ti revoltohesh kur sheh gjërat që bëjnë fetë e rreme, imagjino si ndihet Jehovai! Ai i do njerëzit, por është i zemëruar me udhëheqësit fetarë që hedhin baltë mbi të dhe që i keqtrajtojnë ndjekësit e tyre. Perëndia premton se fetë e rreme do të shkatërrohen dhe ‘s’do të gjenden më kurrë’. (Zbulesa 18:21) Së shpejti, do t’u japë fund të gjitha këtyre feve.—Zbulesa 18:8.
SHQYRTO MË TEJ
Mëso më shumë se çfarë mendon Perëndia për fetë e rreme, çfarë kanë bërë ato dhe pse kjo nuk duhet të të pengojë ta njohësh Jehovain.
4. Perëndia nuk i miraton të gjitha fetë
Shumë njerëz besojnë se fetë janë rrugë të ndryshme që të çojnë te Zoti. Por, a është e vërtetë kjo? Lexoni Mateun 7:13, 14 dhe më pas diskutoni për këtë pyetje:
Si e përshkruan Bibla rrugën që të çon në jetë?
Shihni VIDEON dhe më pas diskutoni për pyetjen vijuese.
A thotë Bibla se ka shumë fe që i pëlqejnë Perëndisë?
5. Fetë e rreme nuk e pasqyrojnë dashurinë e Perëndisë
Fetë kanë hedhur baltë mbi reputacionin e Perëndisë në shumë mënyra. Një mënyrë skandaloze ka qenë përfshirja e tyre në luftë. Shihni VIDEON, ku tregohet një rast, dhe më pas diskutoni për pyetjet vijuese.
Çfarë kanë bërë shumë kisha gjatë Luftës II Botërore?
Çfarë mendon për mënyrën si kanë vepruar?
Lexoni Gjonin 13:34, 35 dhe 17:16. Më pas diskutoni për këto pyetje:
Si mendon se ndihet Jehovai kur fetë përfshihen në luftë?
Për shkak të feve të rreme, kanë ndodhur shumë gjëra të këqija. Me sa ke vënë re ti, në cilat aspekte fetë e rreme nuk e kanë pasqyruar dashurinë e Perëndisë?
Fetë e rreme nuk e kanë pasqyruar dashurinë e Perëndisë
6. Perëndia do që t’i çlirojë njerëzit nga fetë e rreme
Lexoni Zbulesën 18:4a dhe më pas diskutoni për këtë pyetje:
Si ndihesh kur di se Perëndia dëshiron t’i ndihmojë të gjithë ata që janë mashtruar nga fetë e rreme?
7. Mos resht së mësuari për Perëndinë e vërtetë
A duhet të ndikojnë fetë e rreme te pikëpamja që ke për Perëndinë? Imagjino një djalë që nuk pranon drejtimin e mençur të babait. Ai largohet nga shtëpia dhe bën një jetë të shthurur. Babai nuk është dakord me veprimet e djalit. Pse do të ishte e padrejtë t’ia hidhnim fajin babait për jetën që bën djali i tij rebel?
A do të ishte e drejtë t’ia hidhnim fajin Jehovait e të mos mësonim më për të, për shkak të gjërave që bëjnë fetë e rreme?
DISA THONË: «Me gjithë këto gjëra të këqija që bëhen në emër të fesë, nuk dua t’ia di për Perëndinë.»
A mendon edhe ti kështu?
Pse veprimet e feve të rreme nuk duhet të ndikojnë te pikëpamja që kemi për Jehovain?
PËRMBLEDHJE
Fetë e rreme kanë hedhur baltë mbi reputacionin e Perëndisë me anë të mësimeve të tyre dhe gjërave të tmerrshme që kanë bërë. Perëndia do t’i shkatërrojë fetë e rreme.
Si do të përgjigjeshe?
Si ndihesh kur sheh gjërat që bëjnë dhe mësojnë fetë e rreme?
Si i sheh Jehovai fetë e rreme?
Çfarë do të bëjë Perëndia me fetë e rreme?
EKSPLORO
Shqyrto dy mënyra se si shumica e feve i ngjallin pakënaqësi Perëndisë.
«A janë njësoj të gjitha fetë? A të drejtojnë të gjitha te Zoti?» (Artikull në jw.org)
Pse Jehovai dëshiron që njerëzit të mblidhen bashkë për ta adhuruar?
«A është e nevojshme t’i përkasësh një feje?» (Artikull në jw.org)
Një prift u zhgënjye nga feja e tij, por kjo nuk e ndaloi të mësonte të vërtetën për Perëndinë.
«Pse një prift hoqi dorë nga kisha e tij» (Zgjohuni!, shkurt 2015)
Për shekuj me radhë, fetë kanë thënë gënjeshtra që e kanë bërë Perëndinë të duket i ftohtë dhe mizor. Mëso të vërtetën për tri nga këto gënjeshtra.
«Gënjeshtra që na pengojnë ta duam Perëndinë» (Kulla e Rojës, 1 nëntor 2013)