«Ja shërbëtori im që zgjodha, Biri im i dashur që kam miratuar! Unë do të vë tek ai frymën time, dhe ai do t’u bëjë të qartë kombeve ç’është drejtësia. Ai nuk do të grindet, as do të bërtasë fort dhe askush nuk do t’ia dëgjojë zërin rrugëve kryesore. Ai nuk do ta dërrmojë kallamin e thyer dhe nuk do ta shuajë fitilin që ende nxjerr tym, derisa t’i sigurojë fitoren drejtësisë. Vërtet, kombet do t’i varin shpresat tek emri i tij.»—Mateu 12:18-21; Isaia 42:1-4.

Për më tepër, Jezui u jep mesazhin e tij ngushëllues atyre që, në mënyrë të figurshme, janë si kallam i thyer, i këputur dhe i shkelur me këmbë. Ata i ngjajnë një fitili që nxjerr tym, dhe gati po u shuhet edhe shkëndija e fundit e jetës. Jezui nuk do ta dërrmojë kallamin e thyer dhe nuk do ta shuajë fitilin që ende nxjerr tym. Përkundrazi, plot butësi e dashuri, ai i rigjallëron zemërbutët. Vërtet, Jezui është ai tek i cili mund t’i varin shpresat kombet!