Zbulesa 11:3 flet për dy dëshmitarë që do të profetizonin për 1.260 ditë. Më tej thuhet se bisha ‘do t’i mundte dhe do t’i vriste’. Por, pas «tri ditëve e gjysmë» do të ktheheshin në jetë, dhe të gjithë ata që i shihnin do të mbeteshin gojëhapur.​—Zbul. 11:7, 11.

Ç’gjë të përbashkët kanë këto fragmente nga Zbulesa dhe nga Zakaria? Secili prej tyre bën fjalë për të mirosurit e Perëndisë që drejtuan adhurimin e vërtetë në një periudhë të rëndë sprovash. Kështu, në përmbushje të kapitullit 11 të Zbulesës, vëllezërit e mirosur që drejtuan veprën e predikimit kur u vendos Mbretëria e Perëndisë në qiell më 1914, predikuan «me copë thesi» për tre vjet e gjysmë.