A do të ekzistojë ndonjëherë një botë pa luftë?

1, 2. Cilat pyetje lindin në lidhje me të ardhmen e botës?

QË NGA themelimi i tij si shtet modern më 1948, Izraeli është në një gjendje alarmi kundër fqinjëve të vet. Ky konfrontim, ky kundërshtim i vazhdueshëm, ka lënë prapa në trishtim dhe pikëllim një varg nënash, grash, fëmijësh dhe të tjerë​—nga të dyja anët. E megjithatë, një nga dëshirat e natyrshme njerëzore, veçanërisht në nivel familjar, është mundësia për të jetuar në paqe.

² Mirëpo, lufta dhe grindjet nuk janë probleme vetëm të Lindjes së Mesme. Fuçitë e barutit, të shtrira në mbarë botën, duket se janë gati për të shpërthyer. Prandaj, pyetja është: A do të ketë ndonjëherë paqe dhe jo vetëm në Lindjen e Mesme, por në mbarë botën? Nëse po, si do të arrihet ajo? A thua, përmes vullnetit të mirë politik, fetar dhe etnik të njerëzimit? A duket e mundur kjo? Apo, duhet të ndërhyjë Perëndia, Pronari dhe Krijuesi i tokës?

3-5. (a) Ç’premtim është dhënë në Bibël mbi paqen? (b) Cilat pyetje kanë nevojë për shqyrtim të mëtejshëm?

³ Shkrimet Hebreje na japin profeci inkurajuese në lidhje me kohën, kur kombet «do të farkojnë shpatat e veta në plugje dhe shtizat e veta në drapërinj për korrje: s’do të ngrejë shpatë komb kundër kombi; ata kurrë më s’do të njohin luftën.»​—Isaia 2:4.

⁴ Isaia nuk ishte i vetmi që foli mbi këtë paqe botërore. (Psalmi 46:9-11 [46:8-10, NW]) Në të vërtetë, tema kryesore e Biblës është koha e paqes së plotë dhe e harmonisë në mes njerëzve. Sikurse ka vërejtur burri i shtetit dhe autori izraelit Abba Eban, Shkrimet Hebreje u dhanë izraelitëve të vjetër një perspektivë dhe shpresë të pakrahasueshme për të ardhmen, sepse «vetëm Izraeli priste me padurim një periudhë të artë në të ardhmen.»¹ Po, për të gjithë njerëzimin është afër një e ardhme e mrekullueshme, fundi i luftërave dhe shumë më tepër. Isaia profetizoi, gjithashtu, mbi kushtet parajsore në gjithë tokën​—mbi fundin e varfërisë, sëmundjeve, madje, edhe të vdekjes.​—Isaia 11:9; 25:8; 33:24; 35:5, 6; 65:21.

⁵ Disa mund të përgjigjen: «Këto profeci u shkruan mijëra vjet më parë, ndërsa lufta ende ekziston. Si mund të konsiderohet Bibla si burim i besueshëm shprese? Ç’dëshmi konkrete ekzistojnë, se Bibla është me të vërtetë Fjala e Perëndisë?

Bibla​—A është e frymëzuar nga Perëndia?

1, 2. Përse shumica e nderon Biblën dhe çfarë deklarojnë shkrimtarët e saj?

THE New Encyclopœdia Britannica e quan Biblën «përmbledhjen e librave, që me sa duket, ka ndikimin më të madh në historinë njerëzore.» Shumica e vlerëson shumë Biblën, për shkak të vjetërsisë së saj​—disa pjesë janë shkruar para 3.500 vjetësh. Megjithatë, këshillat e saj praktike dhe aktuale, janë një nga shkaqet për të cilat janë shpërndarë mbi tre miliardë kopje dhe që është përkthyer e tëra apo disa pjesë, në gati dy mijë gjuhë, duke e bërë atë librin më të shitur të të gjitha kohërave.

² Përveç këtyre faktorëve, të cilët ngjallin të gjithë respekt për Biblën, ka edhe një karakteristikë tjetër që e ka bërë atë kaq ndikuese dhe tërheqëse gjatë shekujve​—pohimi i saj se është zbulim i frymëzuar i Perëndisë së Gjithëfuqishëm. Moisiu, që përpiloi Torën (pesë librat e parë të Biblës), «shkroi» gjithçka që i tha