Të kthehemi për të ndërtuar çmueshmërinë
1 Rivizitat progresive dhe kuptimplote nxitin dhe shtojnë dëshirën e të zotit të shtëpisë për t’u bërë besimtar. Cilat sugjerime praktike duhet të mbajmë në mendje kur kthehemi tek ata që kanë treguar interes?
2 Para së gjithash, përgatitu mirë. Kjo fillon në vizitën fillestare. Në ç’mënyrë? Duke mbajtur shënime të sakta mbi interesin e treguar. Shëno emrin e të zotit të shtëpisë, temën e trajtuar, përgjigjen dhe çdo gjë që ke dhënë. Pastaj rishiko regjistrimin tënd nga shtëpia në shtëpi para se të kthehesh dhe mendo për atë që do të thuash.
3 Tani je gati. Çfarë mund të thuash? Nëse i ke lënë një pyetje të zotit të shtëpisë në vizitën fillestare, mund ta ndërtosh bisedën mbi këtë temë kur të kthehesh. Për shembull, nëse e ke përqendruar vizitën fillestare mbi bekimet e Mbretërisë së Perëndisë, ti mund të shtrosh pyetjen: «Përse Perëndia e lejon ligësinë?»
Kur të kthehesh, pasi të prezantohesh, mund të thuash:
◼ «Kur kemi folur herën e fundit, thamë se përse një Perëndi i dashur lejon kaq shumë ligësi sot. Keni ndonjë mendim tjetër mbi këtë? [Lëre të përgjigjet.] A mendoni se Perëndia kujdeset me të vërtetë për njerëzimin? [Lëre të përgjigjet.] Konsiderojmë atëherë se çfarë thotë Bibla në Gjonin 3:16.» Pas leximit të vargut mund të tërheqësh vëmendjen në pjesë të veçanta të kapitullit 12 të librit Lajmi i mirë i cili na bën të lumtur të cilat përcaktojnë arsyet se përse Perëndia e lejon ligësinë sot.
4 Një tjetër pyetje që ti mund të lësh në vizitën fillestare dhe që nxit mendjen mund të jetë: «Nëse Perëndia kishte për qëllim që njeriu të jetonte përgjithmonë, përse njerëzit plaken dhe vdesin?» Kur të kthehesh, ti mund t’i tregosh atij përgjigjen e Biblës mbi këtë pyetje në Romakëve 5:12. Pas leximit të shkrimit, referoju kapitullit 9 të librit Lajmi i mirë, i cili trajton arsyen bazë se përse njeriu plaket dhe vdes.
5 Nëse në vizitën fillestare ti trajton mënyrat për të identifikuar fenë e vërtetë dhe lë librin Ti mund të jetosh përgjithmonë, një pyetje e mirë mbi të cilën mund të bazosh rivizitën mund të jetë: «Përse ekzistojnë kaq shumë fe?» Kur të kthehesh ti mund të flasësh mbi pika specifike të kapitullit 3 të këtij libri.
6 Një fjalë e matur. Kij kujdes në pyetjet që do të bësh kur të kthehesh. Pyetje të tilla si: «A e lexuat materialin që ju lashë?» ose «A ju kujtohem?» ose «A ju kujtohet për çfarë kemi folur herën e fundit kur isha këtu?» kanë prirje për ta vënë të zotin e shtëpisë në një pozicion të pavolitshëm. Pyetje të tilla zakonisht nuk japin rezultate të mira. Nga ana tjetër, ji miqësor, elastik dhe mos u zgjat. Këto cilësi do të shtojnë vlerën e mesazhin.
7 Këto dhe mënyra të tjera të ngjashme mund të përdoren për të kultivuar çmueshmërinë në zemrat e të interesuarve. Përse nuk i vë synim vetes për të bërë të paktën një rivizitë çdo javë? Vër në përdorim sugjerimet praktike të paraqitura më lart dhe kërko të takohesh me lajmëtarë me përvojë të cilët do të të ndihmojnë. Gëzimi yt do të rritet nëse ti ndërton mbi interesin fillestar duke bërë rivizita të efektshme.