T’i japim zemër njëri-tjetrit

1. Merak tregojm’ për njëri-tjetrin,

forcojm’ e mbrojm’ çdo zemërvrar’.

Shkëlqen, përsoset dashuria

kur tjetrin vëm’ në radh’ të par’.

E ngroht’ familja e besimit,

aty gjejm’ forc’, inkurajim,

gjejm’ miq që duan Jehovain:

folè ku shpirti gjen strehim!

2. Një fjal’ e but’ që del nga zemra,

freskon si vesa në agim.

I ëmbël zëri i një miku,

i jep të dob’tit ngushëllim!

Oaz’ familja e besimit,

mes nesh ka paqe, harmoni!

I lidhim plagët njëri-tjetrit,

ndihmojm’ këdo me dashuri.

3. Në prag ësht’ ‘dita e furishme’,

çdo çast e ndiejm’ atë më pran’.

Ndaj mbledhjet nuk i lëm’ pas dore,

liman i sigurt ato jan’.

Të gjith’ ne jemi një familje,

të lidhur fort në unitet.

I japim zemër njëri-tjetrit,

me syt’ te jeta e vërtet’!