Përgatit zemrën

Kur studiojmë Biblën, duam që mendimet e Jehovait të ndikojnë në skutat më të thella të zemrës sonë. Ezdra ‘e përgatiti zemrën për t’u konsultuar me Ligjin e Jehovait’ dhe na la një shembull të shkëlqyer. (Ezd. 7:10) Po ne, si mund ta përgatitim zemrën?

Lutu. Nise studimin me lutje. Kërkoji Jehovait të të ndihmojë ta kuptosh e ta zbatosh atë që po mëson.—Psal. 119:18, 34.

Zhvillo përulësi. Perëndia ia fsheh të vërtetën atyre që mbështeten me krenari tek inteligjenca e vet. (Luka 10:21) Mos bëj kërkime me synimin për t’u bërë përshtypje të tjerëve. Me përulësi, ndryshoje mënyrën si mendon kur nuk është në harmoni me mënyrën si mendon Perëndia.

Dëgjo një këngë Mbretërie. Muzika ka fuqi t’i flasë zemrës, e kështu na përgatit për të adhuruar Perëndinë. Një këngë Mbretërie në fillim të studimit mund të na ndihmojë të përgatitim zemrën.