උත්පත්ති
48 පසුව යෝසෙප්ට මෙසේ දන්වන ලදි. “ඔබේ පියා දැන් හුඟක් දුර්වලයි.” එය ඇසූ විට යෝසෙප් ඔහුගේ පුත්‍රයන් දෙදෙනා වන මනස්සේ සහ එෆ්‍රායිම් සමඟ තම පියා වෙතට ගියේය.+ 2 “ඔබේ පුත් යෝසෙප් ඔබව බලන්න ඇවිත් ඉන්නවා” කියා ඊශ්‍රායෙල්ට කියූ විට, ඔහු වෙර දරා නැඟිට ඇඳ මත හිඳගත්තේය. 3 යාකොබ් යෝසෙප්ට මෙසේ කීවේය.
“කානාන් දේශයේ ලූෂ්වලදී+ සියලු බලැති දෙවි මට දර්ශනය වී ආශීර්වාද කළා.+ 4 දෙවි මට මෙහෙම කිව්වා. ‘මම ඔබ මාර්ගයෙන් බොහෝ දරුවන් බිහි වෙන්න සලස්වන්නෙමි.+ ඔබෙන් ජාතීන් සමූහයක් බිහි කර+ ඔබෙන් පැවතෙන අයට මේ දේශය උරුමයක් ලෙස දෙන්නෙමි. ඔවුහු බොහෝ කාලයකට එහි ජීවත් වන්නෝය.’+ 5 මම ඊජිප්තුවට එන්න කලින් මේ දේශයේ ඉපදුණ ඔබේ පුතුන් දෙදෙනාව මගේම දරුවන් ලෙස භාරගන්නවා.+ මම එෆ්‍රායිම්ව හා මනස්සේව සලකන්නේ මගේ දරුවන් වන රූබෙන් හා සිමියොන්+ වගේමයි. 6 නමුත් ඔබට බිහි වෙන අනිකුත් දරුවන් ඔබේ දරුවන් ලෙස සැලකිය හැකියි. ඒ දරුවන්ට ඔවුන්ගේ සහෝදරයන් වන එෆ්‍රායිම් හා මනස්සේගේ උරුමයෙන් කොටසක් ලැබෙයි.+ 7 මම පදන්+ සිට එෆ්‍රාත්+ දක්වා ගමන් කරද්දී රාකෙල් කානාන් දේශයේදී මැරුණා.+ එෆ්‍රාත්වලට යන්න සෑහෙන දුරක් තිබියදී ඇය මැරුණා. ඒ නිසා මම බෙත්ලෙහෙම+ කියා හඳුන්වන එෆ්‍රාත් නුවරට යන මඟ අසල ඇයව වැළලුවා.”
8 ඊශ්‍රායෙල් යෝසෙප්ගේ පුත්‍රයන්ව දැක, “මේ දරුවන් කවුද”+ කියා ඇසීය. 9 එවිට යෝසෙප් තම පියාට උත්තර දෙමින් මෙසේ කීවේය. “මේ ඊජිප්තු දේශයේදී දෙවි මට දුන් පුත්‍රයන්.”+ ඔහු එය අසා, “ඔවුන්ව මා ළඟට ගේන්න. මම ඔවුන්ට ආශීර්වාද කරන්නම්” කියා කීවේය.+ 10 ඊශ්‍රායෙල් මහලුව සිටි නිසා ඔහුගේ ඇස් නොපෙනෙන තරමටම දුර්වල වී තිබිණ.+ යෝසෙප් දරුවන්ව යාකොබ් ළඟට ගෙන ආ විට ඔහු දරුවන්ව සිප වැලඳගත්තේය.+ 11 ඊශ්‍රායෙල් යෝසෙප්ට මෙසේද කීවේය. “මම කවදාවත් හිතුවේ නැහැ මට ආයෙත් ඔබේ මුහුණ දකින්න ලැබෙයි කියා.+ නමුත් දෙවි ඔබව විතරක් නොවෙයි ඔබේ දරුවන්වත් දකින්න මට ඉඩ දුන්නා.” 12 ඉන්පසු යෝසෙප් ඔහුගේ දරුවන්ව පැත්තකට ගෙන තම පියා ඉදිරියේ හිස නමා ඔහුට ආචාර කළේය.+
13 ඉන්පසු යෝසෙප් එෆ්‍රායිම්ව දකුණතින් අල්ලාගෙන ඊශ්‍රායෙල්ගේ වම් පැත්තට ගෙනාවේය.+ මනස්සේව වමතින් අල්ලාගෙන ඊශ්‍රායෙල්ගේ දකුණු පැත්තට ගෙනාවේය.+ 14 එෆ්‍රායිම් බාලයා වුවත්+ ඊශ්‍රායෙල් තම දකුණත ඔහුගේ හිස මත තැබුවේය.+ ඔහු කුලුඳුලා+ වන මනස්සේගේ හිස මත තම වමත තැබුවේය.+ ඔහු හිතාමතාම එසේ කළේය. 15 ඔහු යෝසෙප්ට ආශීර්වාද කරමින් මෙසේ කීවේය.+
“මගේ පියවරුන් වන ආබ්‍රහම් හා ඊසාක් සිහි කළ සැබෑ දෙවිගේ ආශීර්වාදය මේ පුතුන් දෙදෙනාට ලැබේවා!+
මගේ ජීවිත කාලය පුරාවට මේ දක්වාම මාව රැකබලා ගත් ඒ සැබෑ දෙවිගෙන්ද+
16 මාව සියලු විපත්තිවලින් ගලවාගත්+ දේවදූතයාගෙන්ද ඔවුන්ට ආශීර්වාද ලැබේවා!+
මගේ නමින්ද මගේ පියවරුන් වන ආබ්‍රහම් හා ඊසාක්ගේ නම්වලින්ද ඔවුහු හඳුන්වනු ලබත්වා!+
ඔවුහු බොහෝ දරුවන් බිහි කර පොළොව පුරා වර්ධනය වෙත්වා!”+
17 ඔහුගේ පියා තම දකුණත එෆ්‍රායිම්ගේ හිස මත තැබූ බව යෝසෙප් දුටු විට ඔහු ඒ ගැන අසතුටු විය.+ ඒ නිසා, යෝසෙප් තම පියාගේ දකුණත එෆ්‍රායිම්ගේ හිසෙන් අහකට ගෙන මනස්සේගේ හිස මත තබන්න උත්සාහ කරමින්+ 18 මෙසේ කීවේය. “තාත්තේ, ඔබේ දකුණත මේ දරුවාගේ හිස මත තබන්න. කුලුඳුලා+ ඔහුයි.” 19 එහෙත් ඔහුගේ පියා එයට එකඟ නොවී මෙසේ කීවේය. “මම ඒක දන්නවා පුතේ, මම ඒක දන්නවා. ඔහුගෙනුත් ජාතියක් බිහි වෙනවා. ඔහුත් බලවත් කෙනෙක් වෙයි.+ නමුත් ඔහුගේ බාල සහෝදරයා ඔහුට වඩා බලවත් වෙයි.+ ඔහුගෙන් පැවත එන්නන් විශාල සෙනඟක් බවට පත් වෙයි. ඔවුන් ජාතීන් සමූහයක් මෙන් වෙයි.”+ 20 ඒ දවසේදී ඔහු ඔවුන්ට තවත් ආශීර්වාද කරමින්+ මෙසේ කීවේය.
“‘දෙවි එෆ්‍රායිම්ටත් මනස්සේටත් කළ ලෙසම ඔබටත් ආශීර්වාද කරත්වා’ යයි කියමින්
ඊශ්‍රායෙල් සෙනඟ ඔබගේ නාමයෙන් නිතරම එකිනෙකාට ආශීර්වාද කරත්වා!”+
මෙසේ, ඔහු මනස්සේට ඉදිරියෙන් එෆ්‍රායිම්ව තැබුවේය.+
21 ඉන්පසු ඊශ්‍රායෙල් යෝසෙප්ට මෙසේ කීවේය. “මම මැරෙන මොහොත දැන් හුඟක් ළඟයි.+ නමුත් දෙවි හැමදාමත් ඔබේ උපකාරයට ඉන්නවා. ඔහු නැවතත් ඔබේ මුතුන්මිත්තන්ගේ දේශයට ඔබව ගෙන යයි.+ 22 මම ඔබේ සහෝදරයන්ට වඩා වැඩියෙන් ඔබට බිම් කොටසක් දෙනවා.+ මගේ කඩුවෙන් හා දුන්නෙන් අමෝරිවරුන්ට පහර දී ලබාගත් බිම් කොටස මම ඔබට දෙනවා.”