ගීතාවලිය

121 උපකාරය පතමින් මම කඳු දෙසට දෙනෙත් යොමු කළෙමි.+

මට උපකාර ලැබෙන්නේ කාගෙන්ද කියා මම කල්පනා කළෙමි.+

 2 මට උපකාර ලැබෙන්නේ

අහසත් පොළොවත් සෑදූ+ යෙහෝවා දෙවිගෙන්ය.+

 3 ඔබේ පය පැටලී වැටෙන්න ඔහු ඉඩ නොදෙන්නේය.+

ඔබව ආරක්ෂා කරන තැනැත්තා කිසිවිටක නින්දට නොයන්නේය.+

 4 ඊශ්‍රායෙල් සෙනඟව ආරක්ෂා කරන තැනැත්තා+

නිදිකිරා වැටෙන්නේ නැත. ඔහු සැමවිටම අවදිව සිටින්නේය.+

 5 යෙහෝවා දෙවි ඔබව ආරක්ෂා කරන්නේය.+

යෙහෝවා දෙවි ඔබේ දකුණුපසට+ රැකවරණය දෙන්නේය.+

 6 දහවල් කාලයේදී අධික හිරු රශ්මියෙන්වත්+

රාත්‍රි කාලයේදී සඳ එළියෙන්වත්+ ඔබට කිසිදු හානියක් නොවන්නේය.

 7 යෙහෝවා දෙවි සියලු විපත්තිවලින් ඔබව ආරක්ෂා කරන්නේය.+

ඔහු ඔබේ දිවි රැක දෙන්නේය.+

 8 අදත් හෙටත් සදාකාලයටත්+

ඔබ යන එන සෑම තැනකදීම යෙහෝවා දෙවි ඔබව ආරක්ෂා කරන්නේය.+