ගීතාවලිය

75 දෙවියනි, අපි ඔබට ස්තුති කරමු. ඔබට ස්තුතිය පුද කරමු.+

ඔබ අප සමඟය.+

ඔබේ පුදුම ක්‍රියා ගැන මනුෂ්‍යයෝ ප්‍රකාශ කරන්නෝය.+

 2 දෙවි මෙසේ කියන්නේය.* “නියම කළ කාලය පැමිණි විට+

මම යුක්තිසහගත ලෙස විනිශ්චය කිරීමට පටන්ගත්තෙමි.+

 3 පොළොවත් එහි වැසියොත් භීතිය නිසා දිය වී යෑමට පටන්ගත්තෝය.+

මම එහි කණු නැවත සකස් කළෙමි.”+ සීලාහ්.

 4 “අඥාන ලෙස ක්‍රියා නොකරන්න” කියා මම අඥානයන්ට කීවෙමි.+

දුෂ්ටයන්ට මම මෙසේ කීවෙමි. “ඔබේ බලය* ගැන පුරසාරම් දෙඩීම අත්හරින්න.+

 5 ඔබේ බලය ගැන පුරසාරම් දෙඩීමෙන් වළකින්න.

උඩඟු ලෙස කතා නොකරන්න.+

 6 නැඟෙනහිරෙන්වත්

බස්නාහිරෙන්වත් දකුණෙන්වත් උසස්කම නොලැබෙයි.

 7 කෙනෙකුව පහත් කරන්නෙත් තවත් කෙනෙකුව උසස් කරන්නෙත් දෙවිය.+

මන්ද විනිශ්චයකරු ඔහුය.+

 8 යෙහෝවා දෙවිගේ අතේ කුසලානයක් තිබේ.+

එය පෙණ දමන, සැර අධික වයින්වලින් පිරී තිබේ.

ඔහු මණ්ඩිවත් ඉතුරු නොකර, එම වයින් සියල්ලම වත් කරන්නේය.

පොළොවේ සිටින සියලු දුෂ්ටයෝ එයින් බිඳක්වත් ඉතුරු නොවන සේ එය සම්පූර්ණයෙන්ම බොන්නෝය.”+

 9 මම ඒ ගැන සැමදා පවසන්නෙමි.

යාකොබ්ගේ දෙවිට ප්‍රශංසා ගී ගයන්නෙමි.+

10 දෙවි මෙසේ කියන්නේය.* “දුෂ්ටයන්ගේ බලය මම නැති කර දමන්නෙමි.”+

නමුත් ඔහු ධර්මිෂ්ඨයන්ට ශක්තිය දී ඔවුන්ව උසස් කරනු ලබන්නේය.+