නික්මයාම

29 “ආරොන්ව හා ඔහුගේ පුත්‍රයන්ව පූජකයන් ලෙස මට කැප කිරීමේදී මේ ක්‍රියාපිළිවෙත අනුගමනය කරන්න. වස්සෙකුව හා කැළැල් නැති+ බැටළුවන් දෙදෙනෙකුව ගෙනෙන්න.+ 2 මුහුන් නොදැමූ රොටි, තෙල් මිශ්‍ර කර සාදාගත් මුද්දක හැඩැති මුහුන් නොදැමූ රොටි හා තෙල් තැවරූ මුහුන් නොදැමූ සිහින් රොටි සාදාගන්න.+ ඒවා සෑදිය යුත්තේ සිහින් තිරිඟු පිටිවලිනි. 3 එම රොටි කූඩයක+ දමා වස්සා හා බැටළුවන් දෙදෙනා සමඟ ඔප්පු කළ යුතුයි.

4 “ආරොන්ව හා ඔහුගේ පුත්‍රයන්ව සම්මුඛ වීමේ කූඩාරමට ඇතුල් වන ස්ථානයට+ කැඳවා ස්නානය+ කරන ලෙස ඔවුන්ට අණ කරන්න. 5 ඉන්පසු ආරොන්ට මැසූ කොටු මෝස්තර සහිත වස්ත්‍රයද ඒෆොද් හැට්ටයට යටින් අඳින අත් නැති වස්ත්‍රයද ඒෆොද් හැට්ටයද ඔහුට අන්දවන්න.+ ඊට උඩින් ළයවැස්ම පළඳවන්න. ඉන්පසු ඒෆොද් හැට්ටයේ ඉණපටිය තදින් බඳින්න.+ 6 විශේෂ හිස්වැස්මද ඔහුට පළඳවා, එය මත ශුද්ධ රන් තහඩුව* බඳින්න.+ 7 ඉන්පසු ඔබ ශුද්ධ තෛලය*+ ගෙන ආරොන්ගේ හිස මත වත් කර ඔහුව අභිෂේක කරන්න.+

8 “පසුව ආරොන්ගේ පුත්‍රයන්ව කැඳවා ඔවුන්ට මැසූ වස්ත්‍ර අන්දවන්න.+ 9 ආරොන්ට මෙන් ඔහුගේ පුත්‍රයන්ටද ඉණ පටි බැඳ හිස්වැසුම් හිස වටා ඔතන්න. පූජකයන් ලෙස සේවය කිරීම සඳහා ඔබ ඔවුන්ට බලය දිය යුතුයි.*+ මන්ද පූජකයන් වීමේ අයිතිය හිමි වන්නේ ආරොන්ට හා ඔහුගේ පුත්‍රයන්ටය. එය බොහෝ කාලයකට වලංගු වන නීතියකි.+

10 “පසුව වස්සාව සම්මුඛ වීමේ කූඩාරම ඉදිරියට ගෙනෙන්න. ආරොන්ද ඔහුගේ පුත්‍රයන්ද වස්සාගේ හිස මත අත් තැබිය යුතුයි.+ 11 ඔබ සම්මුඛ වීමේ කූඩාරමට ඇතුල් වන ස්ථානයේදී යෙහෝවා දෙවි වන මා ඉදිරියේ වස්සාව මැරිය යුතුයි.+ 12 උගේ ලේ+ ටිකක් ගෙන එය පූජාසනය වටේ තිබෙන අං මත ඔබේ ඇඟිල්ලෙන් තවරන්න.+ වස්සාගේ ඉතුරු ලේ ටික පූජාසනයේ පාමුල වත් කරන්න.+ 13 උගේ බඩවැල්+ වටා ඇති සම්පූර්ණ තෙල් තට්ටුවද+ අක්මාව+ වටා තිබෙන තෙල්ද වකුගඩු දෙක සහ ඊට පිටින් තිබෙන තෙල් තට්ටුවද ගෙන පූජාසනය මත දවන්න.+ 14 නමුත් වස්සාගේ හම, මාංසය සහ ගොම කඳවුරෙන් පිටතට ගෙන ගොස් ගින්නෙන් පුලුස්සා දැමිය යුතුයි.+ එය පාප පූජාවකි.

15 “පසුව බැටළුවන්ගෙන් එකෙකුව එතැනට ගෙනෙන්න.+ ආරොන්ද ඔහුගේ පුත්‍රයන්ද බැටළුවාගේ හිස මත අත් තැබිය යුතුයි.+ 16 බැටළුවාව මරා උගේ ලේ පූජාසනයේ සෑම පැත්තටම ඉසින්න.+ 17 බැටළුවාව කැබලිවලට කපා උගේ බඩවැල්ද පාදද වතුරෙන් සෝදන්න.+ හිසේ සිට පාද දක්වා තිබෙන උගේ එක් එක් කොටස් එකිනෙකට ගැළපෙන සේ එක ළඟ තබන්න. 18 ඉන්පසු මුළු බැටළුවාවම පූජාසනය මත දවන්න. එය යෙහෝවා දෙවි වන මට ප්‍රසන්න සුවඳක්+ ගෙනෙන දවන පූජාවකි.+ දවන පූජාවක් ලෙස එය යෙහෝවා දෙවි වන මට ඔප්පු කරන්න.

19 “ඉන්පසු ඔබ අනික් බැටළුවාත් එතැනට ගෙනෙන්න. ඒ බැටළුවාගේ හිස මතත් ආරොන් හා ඔහුගේ පුත්‍රයන් අත් තැබිය යුතුයි.+ 20 ඉන්පසු ඌව මරා උගේ ලේ ටිකක් ගෙන ආරොන්ගේ දකුණු කන් පෙත්ත මතද ඔහුගේ දකුණතේ මාපටැඟිල්ල මතද දකුණු පයේ මාපටැඟිල්ල මතද ගාන්න.+ ඔහුගේ පුත්‍රයන්ටද එසේම කරන්න. ඉතුරු ලේ ටික පූජාසනයේ සෑම පැත්තටම ඉසින්න. 21 ශුද්ධ තෛලයෙන්+ හා පූජාසනය මත තිබෙන ලේවලින් ටිකක් ගෙන ආරොන්ට සහ ඔහුගේ වස්ත්‍රවලටද ඔහුගේ පුත්‍රයන්ට සහ ඔවුන්ගේ වස්ත්‍රවලටද ඉසින්න. ඔබ එසේ කළ යුත්තේ ආරොන්ව හා ඔහුගේ පුත්‍රයන්ව පරිශුද්ධ සේවය සඳහා කැප කරන පිණිසත් ඔවුන් සියලුදෙනාගේ වස්ත්‍ර ශුද්ධ දේවල් ලෙස වෙන් කර තබන පිණිසත්ය.+

22 “ඉන්පසු අභිෂේක කිරීමේ පූජාව+ සඳහා ඔප්පු කරන බැටළුවාගේ තෙල් කොටස්ද තෙලින් පිරුණු වල්ගයද+ බඩවැල් වටා තිබෙන තෙල් කොටස්ද අක්මාව වටා තිබෙන තෙල්ද වකුගඩු දෙක සහ ඒවායේ තෙල්ද බැටළුවාගේ දකුණු ගාතයද+ අරගන්න. 23 යෙහෝවා දෙවි ඉදිරියේ තිබෙන රොටි කූඩයෙන් මුහුන් නොදැමූ රොටියක්ද තෙල් මිශ්‍ර කර සාදාගත් මුද්දක හැඩැති රොටියක්ද සිහින් රොටියක්ද අරගන්න.+ 24 ඒවා ආරොන්ගේ සහ ඔහුගේ පුත්‍රයන්ගේ අල්ල මත තබා+ යෙහෝවා දෙවි ඉදිරියේ ඒ මේ අත සොලවන්න. දෙවිට පිළිගන්වන පිණිස සෙලවීමේ පූජාවක් වශයෙන් එසේ කරන්න.+ 25 ඉන්පසු ඒවා ඔවුන්ගේ අල්ලෙන් ඉවතට ගෙන පූජාසනයේ තිබෙන දවන පූජාව මත තබා යෙහෝවා දෙවි වන මට ප්‍රසන්න සුවඳක් ගෙනෙන පිණිස දවන්න.+ එය යෙහෝවා දෙවි  වන මට ඔප්පු කරන සෙලවීමේ පූජාවකි.+

26 “අභිෂේක කිරීමේ පූජාවට+ ගෙනා බැටළුවා අයිති වන්නේ ආරොන්ටය. එම බැටළුවාගේ පපු කොටස ඔබේ අතට ගෙන එය යෙහෝවා දෙවි වන මට පිළිගන්වන පිණිස සෙලවීමේ පූජාවක් ලෙස මා ඉදිරියේ ඒ මේ අත සොලවන්න. එම කොටස අයිති ඔබටය. 27 අභිෂේක කිරීමේ පූජාවට+ ගෙනා බැටළුවා ආරොන්ට සහ ඔහුගේ පුත්‍රයන්ට අයිතිය. සෙලවීමේ පූජාව සඳහා උගෙන් ගත් පපු කොටස+ සහ ශුද්ධ කොටස ලෙස වෙන් කළ ගාත් කොටස ඔබ ශුද්ධ දෙයක් ලෙස වෙන් කළ යුතුයි. 28 ආරොන්ටත් ඔහුගේ පුත්‍රයන්ටත් එම කොටස් අයිතිය. මන්ද ඒවා ශුද්ධ කොටස්ය.+ ඊශ්‍රායෙල් සෙනඟ ඔප්පු කරන සියලුම හවුල් පූජාවලින්ද+ එම කොටස් දෙක රැගෙන යෙහෝවා දෙවි වන මට ශුද්ධ දෙයක් ලෙස කැප කළ යුතුයි. එය බොහෝ කාලයකට ඊශ්‍රායෙල් සෙනඟ විසින් පිළිපැදිය යුතු නියෝගයකි.

29 “ආරොන්ට මැසූ ශුද්ධ වස්ත්‍ර+ ඔහුගෙන් පසු පූජකයන් ලෙස සේවය කරන ඔහුගේ පුත්‍රයන්ට අයිති වන්නේය.+ ඔවුන්ව අභිෂේක කර+ පූජකයන් ලෙස සේවය කිරීමට ඔවුන්ට බලය ලබා දෙන+ අවස්ථාවේදී ඔවුන් එම වස්ත්‍ර ඇඳිය යුතුයි. 30 ආරොන්ගෙන් පසු පූජකයා ලෙස පත් වන ඔහුගේ පුත්‍රයා ශුද්ධස්ථානයේ සේවය කරන පිණිස සම්මුඛ වීමේ කූඩාරමට ඇතුල් විය යුත්තේ එම වස්ත්‍ර ඇඳගෙනය. ඔහු දවස් හතක්+ පුරා එම වස්ත්‍ර ඇඳ සිටිය යුතුයි.

31 “අභිෂේක කිරීමේ පූජාව සඳහා ගෙනා බැටළුවාගේ මස් ශුද්ධ තැනකදී තම්බාගන්න.+ 32 ආරොන් සහ ඔහුගේ පුත්‍රයන් තම්බාගත් මස්ද කූඩයේ තිබෙන රොටිද සම්මුඛ වීමේ කූඩාරමට ඇතුල් වන ස්ථානයේ සිට කෑ යුතුයි.+ 33 ඔවුන්ව පරිශුද්ධ සේවය සඳහා කැප කරන පිණිසත් පූජකයන් ලෙස සේවය කිරීමට ඔවුන්ට බලය දෙන පිණිසත් ඔප්පු කළ ඒ පූජාවෙන් ඔවුන් කෑ යුතුයි.+ පූජක පවුලට අයිති නැති කිසිවෙකු එයින් නොකෑ යුතුයි. මන්ද ඒවා ශුද්ධය.+ 34 අභිෂේක කිරීමේ පූජාව සඳහා ගෙනා සතාගේ මස් හෝ රොටි හෝ පසුවදා උදෑසන වන තෙක් ඉතුරු වුවහොත් ඔබ ඒවා ගින්නෙන් පිලිස්සිය යුතුයි.+ එය ශුද්ධ දෙයක් නිසා එයින් නොකෑ යුතුයි.

35 “ආරොන් හා ඔහුගේ පුත්‍රයන් සම්බන්ධයෙන් මා ඔබට අණ කළ සියල්ල කරන්න.+ පූජකයන් ලෙස සේවය කිරීම සඳහා ඔවුන්ට බලය ලබා දීමට දවස් හතක් ගත වන්නේය.+ 36 ආරොන් සහ ඔහුගේ පුත්‍රයන්ගේ පව්වලට සමාව ලබාගන්නා පිණිස ඒ සෑම දවසකම පාප පූජාවක් ලෙස ගොනෙකුව ඔප්පු කරන්න.+ එලෙස පූජා ඔප්පු කර පූජාසනයද පවිත්‍ර කරන්න. එය ශුද්ධ දෙයක් ලෙස වෙන් කර තබන පිණිස කැප කළ යුතුයි.+ 37 පූජාසනය පවිත්‍ර කරන පිණිස දවස් හතක් පුරා එලෙස පූජා ඔප්පු කරන්න. එය අතිශුද්ධ පූජාසනයක්+ ලෙස වෙන් කර තබන්න.+ පූජාසනයට අත තබන සියලුදෙනා ශුද්ධව සිටිය යුතුයි.+

38 “ඔබ මේ දේවල් පූජාසනය මත ඔප්පු කළ යුතුයි. අවුරුද්දක් වයසැති බැටළු පැටවුන් දෙදෙනෙකුව දිනපතා ඔප්පු කරන්න.+ 39 එකෙකු උදෑසනත්+ අනිකා සවසත්*+ ඔප්පු කරන්න. 40 ඔලීව ගෙඩි කොටා සාදාගත් තෙල්, හින මිනුමෙන්* හතරෙන් කොටසක් සමඟ මිශ්‍ර කළ සිහින් පිටි, ඒපාවකින් දහයෙන් කොටසක්+ ගෙනෙන්න. පාන පූජාවක්+ ලෙස වයින්, හින මිනුමෙන් හතරෙන් කොටසක්ද ගෙනෙන්න. පළමුවෙනි බැටළු පැටවා සමඟ ඒවා ඔප්පු කරන්න. 41 අනික් බැටළු පැටවා සවස් වරුවේ ඔප්පු කළ යුතුයි. ඒ සමඟ උදෑසන ඔප්පු කළ ලෙසම ධාන්‍ය පූජාවක්+ හා පාන පූජාවක් ඔප්පු කළ යුතුයි. යෙහෝවා දෙවි වන මට ප්‍රසන්න සුවඳක් ගෙනෙන දවන පූජාවක් ලෙස එය ඔප්පු කරන්න. 42 ඔබ සමඟ කතා කරන පිණිස මා පෙනී සිටින ස්ථානය+ වන සම්මුඛ වීමේ කූඩාරම ළඟ නිතිපතා දවන පූජාවක් දැවෙමින් තිබිය යුතුයි.+ ඔබගේ සියලු පරම්පරාවලදී යෙහෝවා දෙවි වන මා ඉදිරියේ එය දැවෙමින් තිබිය යුතුයි.

43 “මම ඒ ස්ථානයේදී ඊශ්‍රායෙල් සෙනඟ ඉදිරියේ පෙනී සිටින්නෙමි. මගේ තේජස නිසා එම ස්ථානය පවිත්‍ර වනු ඇත.+ 44 සම්මුඛ වීමේ කූඩාරමද පූජාසනයද මම පවිත්‍ර කරන්නෙමි. ආරොන් හා ඔහුගේ පුත්‍රයන් පූජකයන් ලෙස මට සේවය කරන පිණිස මම ඔවුන්ව පරිශුද්ධ තත්වයකට ගෙනෙන්නෙමි.+ 45 මම මගේ ශුද්ධ කූඩාරම ඊශ්‍රායෙල් ජනයාගේ කඳවුර මැද පිහිටුවන්නෙමි. මම ඔවුන්ගේ දෙවි වන්නෙමි.+ 46 ඊජිප්තු දේශයෙන් ඔවුන්ව පිටතට ගෙනා ඔවුන්ගේ දෙවි වන යෙහෝවා මා බව ඔවුහු සැබවින්ම දැනගන්නෝය. මා එසේ කළේ ඔවුන් අතරේ මගේ ශුද්ධ කූඩාරම පිහිටුවන පිණිසය.+ මා ඔවුන්ගේ දෙවි වන යෙහෝවාය.+