යෙරෙමියා
3 “මිනිසෙකු තම බිරිඳව දික්කසාද කළ පසු ඇය වෙන පුරුෂයෙකු සමඟ විවාහ වුණොත් කලින් පුරුෂයාට ඇයව නැවත විවාහ කරගැනීමට අයිතියක් නැත” කියා කියමනක් තිබේ.+
එවැනි දෙයක් සිදු වුණොත් මුළු දේශයම අපවිත්‍ර වන්නේය. මේ දේශයට සිදු වී ඇත්තෙත් එය නොවේද?+
“ඔබ* බොහෝ පෙම්වතුන් සමඟ වේශ්‍යාකම් කර ඇත.+ එසේ ක්‍රියා කළ ඔබට දැන් මා වෙතට හැරී එන්න පුළුවන්ද”+ කියා යෙහෝවා දෙවි අසන්නේය. 2 “ඔබ පාර අයිනට වී ඔබේ පෙම්වතුන් එන තෙක් බලා සිටින්නේ පාළුකරයේ හිඳගෙන බලා සිටින අරාබි ජාතිකයෙකු මෙනි.+ ඔබ වේශ්‍යාකම් නොකළ තැනක්+ ඇද්දැයි දෑස් ඇර බලන්න.+ ඔබ කළ වේශ්‍යාකම් නිසාත් ඔබේ දුෂ්ට ක්‍රියා නිසාත් මුළු දේශයම දූෂ්‍ය වී ඇත.+ 3 ඒ හේතුවෙන් දේශයට වැසි වසින්නේ නැත.+ වසන්ත කාලයේවත් දේශයට වර්ෂාව ලැබෙන්නේ නැත.+ ඔබ හැසිරෙන්නේ කිසිම ලැජ්ජාවක් නැතුව+ වේශ්‍යාකම් කරන භාර්යාවක මෙනි.* 4 නමුත් ඔබ දැන් මට මෙසේ කියන්නහුය. ‘මාගේ පියාණෙනි,+ කුඩා කාලයේ සිටම මගේ හොඳම මිතුරා ඔබයි.+ 5 ඔබ හැමදාටම අප සමඟ අමනාපයෙන් සිටින්නෙහිද? අප කළ වැරදි ඔබ හැමදාම මතකයේ තබාගන්නෙහිද?’+ ඔබ එසේ පවසමින් දිගින් දිගටම කරන්නේ දුෂ්ට දේවල්මය.”+
6 යොෂියා රජුගේ පාලන සමයේදී+ යෙහෝවා දෙවි මට මෙසේ කීවේය. “ඊශ්‍රායෙල් මට ද්‍රෝහි වී ක්‍රියා කරන ආකාරය ඔබට පෙනෙනවාද?+ ඇය කඳු මුදුන්වලත්+ සරුසාරව වැඩුණු ගස් යටත්+ වේශ්‍යාකම් කරන්නීය.+ 7 ඇය ඒ විදිහට හැසිරුණත් මා වෙතට හැරී එන්න කියා මම ඇයට නැවත නැවතත් පැවසුවෙමි. නමුත් ඇය මා වෙතට හැරී ආවේ නැත.+ තම ද්‍රෝහිකාර සොහොයුරියගේ ක්‍රියා දෙස බලා සිටි යූදාද ඇයව ආදර්ශයට ගත්තාය.+ 8 ඊශ්‍රායෙල් අනාචාරයේ* යෙදෙමින් මට ද්‍රෝහි වූ නිසා මම අත්හැරීමේ පත්‍රයක් දී ඇයව දික්කසාද කළෙමි.+ ඇගේ ද්‍රෝහිකාර සොහොයුරිය වන යූදා ඒ දේ දැක දැකත් කිසි භයක් සැකක් නැතුව ඒ දේම කළාය.+ 9 ඇය වේශ්‍යාවක් බවට පත් වුණේ ඇය වේශ්‍යාකම සැහැල්ලුවට ගත් නිසාය. ඇය මුළු දේශයම අපවිත්‍ර කළාය.+ ගස් ගල්වලට වන්දනාමාන කරමින් අනාචාරයේ යෙදුණාය.+ 10 මේ සියල්ල දැක දැකත් ඇගේ ද්‍රෝහිකාර සොහොයුරිය වන යූදා මුළු හදවතින්ම මා වෙතට හැරී ආවේ නැත.+ ඇය කළේ මවාපෑමක් පමණි.+ මේ දේ පවසන මා යෙහෝවා දෙවිය.”
11 යෙහෝවා දෙවි මට තවදුරටත් මෙසේ කීවේය. “ඊශ්‍රායෙල් විශ්වාසවන්තව ක්‍රියා නොකළත් ද්‍රෝහිකාර යූදා තරම්ම ඇය අධර්මිෂ්ඨ නැත.+ 12 ඔබ දැන් ගොස් මේ පණිවිඩය උතුරේ වෙසෙන්නන්ට කියන්න.+
‘යෙහෝවා දෙවි පවසන්නේ මෙයයි. “කැරලිකාර ඊශ්‍රායෙල් සෙනඟෙනි, හැරී මා වෙතට එන්න.+ මම විශ්වාසවන්ත කෙනෙක්+ වන බැවින් ඔබ සමඟ සදහටම උදහසින් නොසිටින්නෙමි.+ එසේ පවසන්නේ යෙහෝවා දෙවි වන මමය. මම සදහටම ඔබ සමඟ අමනාපයෙන් නොසිටින්නෙමි.+ 13 ඔබ මාගේ හඬට අකීකරු වී සරුසාරව වැඩුණු සෑම ගසක් යටම+ වෙනත් දෙවිවරුන්ට දිගින් දිගටම නමස්කාර කළහුය.+ එබැවින් ඔබේ දෙවි වන යෙහෝවාට විරුද්ධව ඔබ කළ වැරදි කොතරම් බරපතළද කියා තේරුම්ගන්න.+ මේ බව ඔබට පවසන්නේ යෙහෝවා දෙවි වන මමය.”
14 “‘යෙහෝවා දෙවි තවදුරටත් පවසන්නේ මෙයයි. “කැරලිකාර ජනයෙනි, හැරී මා වෙතට එන්න.+ මම ඔබේ ස්වාමිපුරුෂයා වන්නෙමි.+ ඔබේ සෑම නුවරකින්ම එක් කෙනා බැගින්ද සෑම ගෝත්‍රයකින්ම දෙදෙනා බැගින්ද තෝරාගෙන ඔවුන්ව සියොන් වෙතට ගෙන යන්නෙමි.+ 15 ඔබව රැකබලා ගැනීම සඳහා මාගේ සිතට ප්‍රීතියක් ගෙන දෙන අයුරින් කටයුතු කරන පුරුෂයන්ව මම පත් කරන්නෙමි.+ ඔවුහු තමන් සතු මනා දැනුම හා ගැඹුරු අවබෝධය භාවිත කරමින් ඔබව පෝෂණය කරනු ඇත.+ 16 ඒ කාලයේදී ඔබේ සෙනඟ ගණනින් වැඩි වී මහත් ජාතියක් බවට පත් වනු ඇත. මේ දේ පවසන මා යෙහෝවා දෙවිය.+ ඒ කාලයේදී යෙහෝවා දෙවිගේ ගිවිසුම් පෙට්ටිය ගැන ඔවුහු සඳහන් කරන්නේවත්+ මතකයට නඟන්නේවත්+ නැත. එය නැති පාඩුව ඔවුන්ට නොදැනේ. නැවත කිසිදාක ඔවුහු ගිවිසුම් පෙට්ටියක් සාදන්නේ නැත. 17 ඒ දවස්වලදී ඔවුහු යෙරුසලමට යෙහෝවා දෙවිගේ සිංහාසනය කියා පවසන්නෝය.+ යෙහෝවා දෙවිගේ නාමයට ප්‍රශංසා කිරීම සඳහා+ සියලු ජාතීහු යෙරුසලමට රැස් වනු ඇත.+ ඔවුහු තවදුරටත් මුරණ්ඩු ලෙස ක්‍රියා කරන්නේවත් දුෂ්ටකම් කරන්නේවත් නැත.”’”+
18 “ඒ කාලයේදී යූදා සෙනඟ ඊශ්‍රායෙල් සෙනඟ සමඟ+ එක්සත්ව+ උතුරු දේශයෙන් පිටත්ව ඇවිත්, මා ඔවුන්ගේ මුතුන්මිත්තන්ට උරුමයක් ලෙස දුන් දේශයේ වාසය කරනු ඇත.+ 19 මා ඔබව පුත්‍රයන් ලෙස පිළිගෙන, සියලු ජාතීන් ඉතා වටිනා දෙයක් ලෙස සැලකූ ඒ අලංකාර දේශය උරුමයක් හැටියට ඔබට දුන්නේ මොන තරම් කැමැත්තෙන්ද!+ ඔබ මට, “මාගේ පියාණෙනි”+ කියා අමතමින් දිගටම මාගේ මාර්ගයෙහි ගමන් කරයි කියා මම සිතුවෙමි. 20 නමුත් ඊශ්‍රායෙල් ජනයෙනි, තම ස්වාමිපුරුෂයාව අත්හැර යන අවිශ්වාසවන්ත භාර්යාවක මෙන්+ ඔබ මට ද්‍රෝහි වී ඇත.+ මෙසේ පවසන්නේ යෙහෝවා දෙවි වන මමය.”
21 මාර්ගවලින් හඬක් ඇසෙයි. ඒ ඇසෙන්නේ ඊශ්‍රායෙල් සෙනඟ තම දෙවි වන යෙහෝවාව අමතක කර+ වැරදි මාර්ගවල ගමන් කළ+ නිසා ඔවුන් නඟන විලාපයේ හා කන්නලව්වේ හඬයි.
22 “කැරලිකාර පුත්‍රයෙනි! මා වෙතට හැරී එන්න.+ මම ඔබේ කැරලිකාර ගතිපැවතුම් වෙනස් කර ඔබව යහමඟට ගන්නෙමි.”+
“යෙහෝවා දෙවියනි, ඔබයි අපේ දෙවි! අපි ඔබ වෙතට නැවත හැරී ආවෙමු.+ 23 පූජනීය ස්ථානවලින් කිසිම ප්‍රයෝජනයක් නැත. කඳු මුදුන්වල පැවැත්වූ උත්සවයන්ද+ නිෂ්ඵලයි.+ ඊශ්‍රායෙල් දේශයට ගැලවීම ලැබෙන්නේ අපේ දෙවි යෙහෝවා වන ඔබෙන් පමණයි.+ 24 අපේ තරුණ කාලයේ සිට අපේ මුතුන්මිත්තන්ට අයිතිව තිබුණු එළු බැටළු රැළවල්ද ඔවුන්ගේ දරුදැරියන්ද ඔවුන් වෙහෙස මහන්සි වී උපයාගත් සියලු දේද නින්දිත දෙවියා*+ නිසා නැති නාස්ති වී ගියේය. 25 අපේ තරුණ කාලයේ සිට මේ දක්වාම අපිද අපේ පියවරුද+ යෙහෝවා දෙවි වන ඔබට විරුද්ධව පව් කළෙමු.+ යෙහෝවා දෙවියනි, අපි ඔබේ හඬට කීකරු නොවුණෙමු.+ අප ලැජ්ජාවට පත් වුණේ+ ඒ නිසාය. අප මෙතරම් මහත් නින්දාවකට ලක් වුණේත්+ ඒ නිසාය.”