යෙරෙමියා
52 ශෙදකියා+ රජකමට පත් වන විට ඔහුට වයස අවුරුදු විසිඑකක් විය.+ ඔහු යෙරුසලමේ සිට අවුරුදු එකොළහක් පාලනය කළේය.+ ඔහුගේ මව ලිබ්නා නගරයෙහි වැසියෙකු වූ+ යෙරෙමියාගේ දියණිය වූ හමුතල්ය.+ 2 ඔහුද යෙහෝයාකිම් රජු මෙන්+ යෙහෝවා දෙවි පිළිකුල් කළ දේවල් දිගටම කළේය.+ 3 යෙරුසලමේ සහ යූදා දේශයේ වැසියන්ගේ දුෂ්ටකම් නිසා යෙහෝවා දෙවිගේ උදහස ඔවුන්ට විරුද්ධව ඇවුළුණු අතර අවසානයේදී ඔහු ඔවුන්ව ප්‍රතික්ෂේප කළේය.+ ඒ කාලයේදී ශෙදකියා රජ බැබිලෝනියේ රජුට විරුද්ධව කැරලිගැසුවේය.+ 4 ශෙදකියා රජුගේ පාලන සමයේ නවවන අවුරුද්දේ+ දහවන මාසයේ දහවන දින, බැබිලෝනියේ රජු වූ නෙබුකද්රෙෂර් ඔහුගේ මුළු හමුදාවත් සමඟ යෙරුසලමට විරුද්ධව සටන් කිරීමට පැමිණියේය.+ ඔහු ඒ අවට කඳවුරු බැඳගෙන යෙරුසලම වටා පවුරක්ද ගොඩනැඟුවේය.+ 5 ශෙදකියා රජු පාලනය කළ එකොළොස්වන අවුරුද්ද දක්වාම+ නෙබුකද්රෙෂර් රජුගේ හමුදාව යෙරුසලම වටලා සිටියෝය.
6 එබැවින් හතරවන මාසයේ නවවනදා+ වන විට ඒ දේශයේ වැසියන්ට රොටි කැබැල්ලක්වත් සොයාගැනීමට නොහැකි වන තරමටම සාගතය දරුණු විය.+ 7 ඒ අතරතුරදී කල්දිවරු පවුර බිඳ නුවරට ඇතුල් වූහ.+ එදින රාත්‍රියේ නුවරේ සිටි සියලු යුධ භටයෝ රජුගේ උයන අසල පිහිටි තාප්ප දෙක අතරේ තිබූ දොරටුවෙන්+ පලා ගියෝය.+ ඔවුන් එසේ පලා ගියේ අරබා නිම්නය දෙසට යන මාර්ගයේය.+ නමුත් කල්දිවරු නුවර සෑම පැත්තෙන්ම වටලා සිටියෝය. 8 කල්දිවරුන්ගේ භට පිරිසක්, පලා ගිය ශෙදකියා රජුව ලුහුබැඳ ගොස්+ යෙරිකෝවේ පාළුකරයේදී ඔහුව අල්ලාගත්තෝය.+ එවිට රජුගේ භට පිරිස ඔහුව අත්හැර දමා ඒ මේ අත පලා ගියෝය.+ 9 ශෙදකියා රජුව අල්ලාගත් ඔවුහු, ඔහුට දිය යුතු දඬුවම තීරණය කරන පිණිස+ හමාත් දේශයේ+ රිබ්ලා නගරයේ+ සිටි බැබිලෝනියේ රජු වෙතට ඔහුව ගෙනාවෝය.+ 10 බැබිලෝනියේ රජ, ශෙදකියා රජු ඉදිරියේම ඔහුගේ පුත්‍රයන්ව මරා දැමුවේය.+ ඔහු යූදාහි අධිපතීන් සියලුදෙනාවද රිබ්ලාහිදී මරා දැමුවේය.+ 11 ඉන්පසු බැබිලෝනියේ රජ, ශෙදකියා රජුගේ ඇස් අන්ධ කර+ ඔහුට තඹ විලංගු දමා බැබිලෝනියට රැගෙන ගියේය.+ ඔහු මිය යන තෙක්ම මුරකරුවන් යටතේ සිර කර තැබුවේය.
12 බැබිලෝනියේ රජු වූ නෙබුකද්රෙෂර් පාලනය කළ දහනවවන අවුරුද්දේ පස්වන මාසයේ දහවන දින,+ බැබිලෝනියේ රජුගේ සේවකයෙකු වූද ආරක්ෂක භටයන්ගේ ප්‍රධානියා වූද නෙබුෂරදාන්+ යෙරුසලමට පැමිණියේය. 13 ඔහු යෙහෝවා දෙවිගේ ගෘහයද+ රජමාලිගාවද යෙරුසලමේ තිබූ සියලුම නිවෙස්ද+ උත්තමයන්ගේ නිවෙස්ද+ ගිනි තබා විනාශ කළේය. 14 ආරක්ෂක භටයන්ගේ ප්‍රධානියා සමඟ සිටි කල්දිවරුන්ගේ මුළු හමුදාව යෙරුසලම වටා තිබූ පවුර මුළුමනින්ම විනාශ කර දැමුවෝය.+
15 නෙබුෂරදාන්, සෙනඟ අතරේ සිටි දුගී අයගෙන් සමහරෙකුවද නගරයේ ඉතුරු වී සිටි අයවද+ බැබිලෝනියේ රජුට භාර වූ අයවද ඉතුරු වී සිටි විවිධ කාර්යයන්වලට දක්ෂ ශිල්පීන්වද වහලුන් ලෙස බැබිලෝනියට රැගෙන ගියේය.+ 16 ආරක්ෂක භටයන්ගේ ප්‍රධානියා දේශයේ සිටි දුගී අයගෙන් සමහරදෙනෙකුව මිදිවතු වැවීමටත් ගොවිතැන් කිරීමටත් තබා ගියේය. ඔවුහු එහි වහලුන් ලෙස සේවය කළෝය.+
17 යෙහෝවා දෙවිගේ ගෘහයේ තිබූ තඹ කුලුනුද+ යෙහෝවා දෙවිගේ ගෘහයේ තිබූ කරත්තද+ වතුර දැමීමට තිබූ විශාල වටකුරු තඹ භාජනයද+ කල්දිවරු කැබලිවලට කඩා ඒවායෙහි තිබූ තඹ බැබිලෝනියට ගෙන ගියෝය.+ 18 අළු දමන භාජනද සවල්ද+ පහන් තිර නිවා දැමීමට භාවිත කළ උපකරණද+ බේසම්ද+ කුසලානද අන් සියලු තඹ භාජනද+ ඔවුහු රැගෙන ගියෝය. 19 ආරක්ෂක භටයන්ගේ ප්‍රධානියා පිරිසිදු රනින්ද+ රිදීවලින්ද+ සාදා තිබූ විශාල භාජනද+ අඟුරු දමන භාජනද බේසම්ද+ හැළිද පහන් රුක්ද+ කුසලානද අනිකුත් භාජනද රැගෙන ගියේය.+ 20 යෙහෝවා දෙවිගේ ගෘහය සඳහා සලමොන් රජු විසින් සාදනු ලැබූ+ කුලුනු දෙකද+ විශාල වටකුරු තඹ භාජනයද+ එය දරා සිටි තඹ ගොනුන් දොළොස්දෙනාවද+ කරත්තද ඔහු රැගෙන ගියේය. ඒ සියල්ලෙහි තිබූ තඹවල බර කිරා මැන බලන්නත් බැරි තරම්ය.+
21 ඒ එක් කුලුනක උස රියන් දහඅටක්ද+ වටප්‍රමාණය රියන් දොළහක්ද විය.+ එහි ගනකම ඇඟිලි හතරක පළල මෙන් විය. කුලුන මැද හිස්ව තිබිණ. 22 කුලුන මුදුනේ තිබූ කොටසද තඹවලින් නිමවා තිබිණ.+ කුලුන මුදුනේ තිබූ එම කොටසේ උස රියන් පහකි.+ ඒ කොටස වටා තිබූ දැල් සැරසිල්ලද ඒ මත සවි කර තිබූ දෙළුම් ගෙඩිද තඹවලින් සාදා තිබිණ.+ දෙවන කුලුනෙත් දෙළුම් ගෙඩි සවි කළ දැල් සැරසිල්ලක් තිබිණ.+ 23 කුලුන මුදුනේ තිබූ කොටසේ දැලෙහි දෙළුම් ගෙඩි සියයක් බැගින් එල්ලා තිබිණ.+ එය වටා* දෙළුම් ගෙඩි අනූහයක් තිබිණ.
24 ආරක්ෂක භටයන්ගේ ප්‍රධානියා, නායක පූජක සෙරායාවද+ ඔහුගේ උපකාරයට සිටි පූජක ශෙපනියාවද+ දොරටු පාලකයන් තුන්දෙනාවද+ අල්ලාගත්තේය. 25 ඊට අමතරව යුධ භටයන් කෙරෙහි පත් කර සිටි නිලධාරියෙකුවද රජුට ඉතා සමීපව සිටි පුද්ගලයන් හත්දෙනෙකුවද+ ඔහු නුවරේදී අල්ලාගත්තේය. එමෙන්ම ඔහු යුද්ධයට සෙනඟ එකතු කරගත් හමුදාපතිගේ ලේකම්වද නගරය තුළ සිටි දේශයේ වැසියන්ගෙන් පුරුෂයන් හැටදෙනෙකුවද අල්ලාගත්තේය.+ 26 ආරක්ෂක භටයන්ගේ ප්‍රධානියා වූ නෙබුෂරදාන්+ ඔවුන්ව රිබ්ලාහි සිටි බැබිලෝනියේ රජු වෙතට රැගෙන ගියේය.+ 27 බැබිලෝනියේ රජ ඔවුන්ව හමාත් දේශයේ+ රිබ්ලා නගරයේදී+ මරා දැමුවේය.+ යූදා දේශයේ වැසියන්ව වහලුන් ලෙසද ගෙන යන ලදි.+
28 නෙබුකද්රෙෂර් රජු වහලුන් ලෙස ගෙන ගිය සෙනඟගේ ගණන පහත දැක්වේ. ඔහුගේ පාලන සමයේ හත්වන අවුරුද්දේදී යුදෙව්වරුන් තුන්දහස් විසිතුන්දෙනෙකුව ගෙන ගියේය.+
29 නෙබුකද්රෙෂර් රජු පාලනය කල දහඅටවන වන අවුරුද්දේදී+ අටසිය තිස්දෙදෙනෙකුව යෙරුසලමෙන් ගෙන යනු ලැබීය.
30 නෙබුකද්රෙෂර් රජු පාලනය කළ විසිතුන්වන අවුරුද්දේදී ආරක්ෂක භටයන්ගේ ප්‍රධානියා වූ නෙබුෂරදාන් යුදෙව්වන් හත්සිය හතළිස්පස්දෙනෙකුව ගෙන ගියේය.+
මෙලෙස ගෙන ගිය අයගේ මුළු සංඛ්‍යාව හාරදහස් හයසියයක් විය.
31 යූදාහි රජු වූ යෙහෝයාකින්ව බැබිලෝනියට ගෙන ගොස් අවුරුදු තිස්හතක් ගත විය. එම තිස්හත්වන අවුරුද්දේ+ එවිල්-මෙරොදක් බැබිලෝනියේ රජකමට පත් විය. ඒ අවුරුද්දේ දොළොස්වන මාසයේ විසිපස්වන දින ඔහු යෙහෝයාකින් රජුව සිරගෙයින් නිදහස් කළේය.+ 32 එවිල්-මෙරොදක් රජ යෙහෝයාකින්ට කාරුණිකව සලකා, බැබිලෝනියේ සිරකරුවන් ලෙස සිටි අනික් රජවරුන්ට වඩා ඉහළ තනතුරක් ඔහුට දුන්නේය.+ 33 එබැවින් යෙහෝයාකින් තම සිර ඇඳුම් ඉවත් කළේය.+ තම ජීවිත කාලය පුරාම+ රජු සමඟ ආහාර ගැනීමේ වරප්‍රසාදයද ඔහුට හිමි විය.+ 34 ඔහු මිය යන තෙක්ම බැබිලෝනියේ රජුගේ භෝජනයෙන් කොටසක් දිනපතා ඔහුට ලැබිණ.+