ලෙවී කතාව
1 යෙහෝවා දෙවි සම්මුඛ වීමේ කූඩාරමේ+ සිට මෝසෙස්ව අමතා මෙසේ කීවේය. 2 “ඊශ්‍රායෙල් සෙනඟට මෙසේ කියන්න.+ ‘ඔබ අතරේ සිටින යම් කෙනෙකු යෙහෝවා දෙවි වන මට පූජාවක් ඔප්පු කරන පිණිස සතෙකුව ගෙනෙනවා නම් ඔහු එම සතාව එළු බැටළු රැළෙන් හෝ ගව රැළෙන් හෝ තෝරාගත යුතුයි.
3 “‘ඔහු ගව රැළෙන් දවන පූජාවක්+ ඔප්පු කරනවා නම් ඔහු ගෙනා යුත්තේ නිකැළැල් පිරිමි සතෙකුවයි.+ ඔහු සිය කැමැත්තෙන්ම සම්මුඛ වීමේ කූඩාරමට ඇතුල් වන ස්ථානයේදී යෙහෝවා දෙවි වන මා ඉදිරියේ ඌව ඔප්පු කළ යුතුයි.+ 4 දවන පූජාව ලෙස ඔප්පු කරන එම සතාගේ හිස මත ඔහු අත තැබිය යුතුයි. එවිට ඔහු ඔප්පු කළ එම පූජාව සතුටින් පිළිගනු ලබයි.+ එමගින් ඔහුගේ පාපවලට සමාව* ලැබෙයි.+
5 “‘ඉන්පසු යෙහෝවා දෙවි වන මා ඉදිරියේ වස්සාව මැරිය යුතුයි. පූජකයන්+ ලෙස කටයුතු කරන ආරොන්ගේ පුත්‍රයන් එම ලේ රැගෙන සම්මුඛ වීමේ කූඩාරමට ඇතුල් වන ස්ථානයේ තිබෙන පූජාසනයේ සෑම පැත්තටම ඉසිය යුතුයි.+ 6 ඉන්පසු දවන පූජාවට ඔප්පු කළ සතාගේ හම ඉවත් කර ඌව කැබලිවලට කැපිය යුතුයි.+ 7 පූජකයන් වන ආරොන්ගේ පුත්‍රයන් පූජාසනය මත ගිනි දල්වා+ ඊට උඩින් දර ඇතිරිය යුතුයි.+ 8 පූජාසනයේ ඇවිළෙන ගින්නට උඩින් ඇතිරූ දර මත සතාගේ හිස සහ තෙල් කොටස් ඇතුළුව ඉතුරු කැබලි+ පිළිවෙළින් තැබිය යුතුයි. 9 උගේ බඩවැල්+ හා පාද* වතුරෙන් සේදිය යුතුයි. පූජකයා ඒ සියල්ල යෙහෝවා දෙවි වන මට ප්‍රසන්න සුවඳක් ගෙනෙන පිණිස පූජාසනය මත දැවිය යුතුයි. එය දවන පූජාවකි.+
10 “‘යමෙකු බැටළු පැටවෙකු හෝ එළුවෙකු හෝ දවන පූජාවක් ලෙස ඔප්පු කරනවා නම්+ ඔහු ගෙනා යුත්තේ නිකැළැල්+ පිරිමි සතෙකුවයි.+ 11 එම සතාව පූජාසනයේ උතුරු පැත්තට ගෙන ගොස් යෙහෝවා දෙවි වන මා ඉදිරියේ මැරිය යුතුයි. පූජකයන් වන ආරොන්ගේ පුත්‍රයන් උගේ ලේ පූජාසනයේ සෑම පැත්තටම ඉසිය යුතුයි.+ 12 ඌව කැබලිවලට කපා පූජකයා උගේ හිස සහ තෙල් කොටස් ඇතුළුව ඉතුරු කැබලි පූජාසනයේ ඇවිළෙන ගින්නට උඩින් ඇතිරූ දර මත පිළිවෙළින් තැබිය යුතුයි.+ 13 උගේ බඩවැල් හා පාද වතුරෙන් සේදිය යුතුයි.+ පූජකයා ඒ සියල්ල යෙහෝවා දෙවි වන මට ප්‍රසන්න සුවඳක් ගෙනෙන පිණිස පූජාසනය මත දැවිය යුතුයි. එය දවන පූජාවකි.+
14 “‘යමෙකු යෙහෝවා දෙවි වන මට දවන පූජාවක් ලෙස පක්ෂියෙකු ඔප්පු කරනවා නම් ඔහු කොබෙයියෙකු+ හෝ පරෙවි පැටවෙකු+ හෝ ගෙනා යුතුයි. 15 පූජකයා ඌව පූජාසනයට ගෙනැවිත් උගේ බෙල්ල කඩා+ පූජාසනය මත දැවිය යුතුයි. නමුත් උගේ ලේ පූජාසනයේ පැත්තකින් සම්පූර්ණයෙන්ම ගලා යන්න සැලැස්විය යුතුයි. 16 ඔහු උගේ පිහාටුද ගොදුරු බොක්කද ඉවත් කර ඒවා පූජාසනයේ නැඟෙනහිර පැත්තේ තිබෙන තෙල් මිශ්‍ර අළු දමන ස්ථානයට විසි කළ යුතුයි.+ 17 ඉන්පසු ඌව උගේ තටු ළඟින් පැළිය යුතුයි. නමුත් උගේ තටු ඇඟෙන් සම්පූර්ණයෙන් වෙන් නොකළ යුතුයි.+ පූජකයා ඌව පූජාසනයේ ඇවිළෙන ගින්නට උඩින් ඇතිරූ දර මත තබා දැවිය යුතුයි. එය යෙහෝවා දෙවි වන මට ප්‍රසන්න සුවඳක්+ ගෙනෙන පිණිස ඔප්පු කරන දවන පූජාවකි.+