I sa ko fusutan dee soni dee sikifi a di Bëibel

Dusudusu jaa kaa Jehovah ta fan ku dee dinima fëën a peipei töngö. U di soni dë woo taki a dee woto aki, nöö woo taki tu unfa di Nyun-Grontapuvertaling bi heepi u fuu gafa di në u Gadu, söseei fuu bi sa mbei sëmbë ko sabi dee soni dee Gadu abi a pakisei.

Di fan di u sa fan da wan gaan bunu di Gadu da u. Di woto aki ta lei u taa a dë fanöudu u sabi na un ten u musu fan, andi u musu taki, söseei unfa u musu taki ën. A ta da u taanga tu u djeesi Jesosi u di woo ta fan a wan fasi di ta tja gafa ko da Gadu, söseei a wan fasi di o tja wini ko da wotowan.

Hii u tuu ta siki wan daka. Wë nöö u sa dë ku di mëni taa Jehovah o kula u kumafa a bi kula sëmbë na awooten u? Andi u musu hoi a pakisei te u musu luku un pei deesi woo tei te u siki? Di woto aki o lei unfa a dë tuutuu, söseei a o heepi u fuu du soni a wan köni fasi.