Paaja dee tuutuu woto dee nama ku Jesosi da sëmbë fajafaja

U ta eko dë fajafaja te u sa’ unfa u konda dee tuutuu soni dee nama ku Jesosi da sëmbë. Jesosi da di gaan posu, nöö nëën liba di tuutuu biibi seti (Ef. 2:20). Söndö Jesosi wa bi o abi na wan houpu a di libi (Tjab. 4:12). Fëën mbei a dë fanöudu u fusutan taa Jesosi da di sëmbë di Gadu tei u mbei dee soni dee a abi a pakisei ko tuu. Sëmbë ganjan sömëni sëmbë ku poipoi lei. A tjali taa dee sëmbë aki sa lasi dee gaan bunu dee Gadu paamusi dee sëmbë dee ta buta biibi a Jesosi. Te u dë fajafaja a di tuutuu lei, nöö woo kë heepi limbohati sëmbë u ko sabi ambë da Jesosi, unfa hën ku Gadu dë, söseei unfa a o mbei dee soni dee Jehovah abi pakisei ko tuu. Joo dë fajafaja u paaja di tuutuu lei di nama ku Jesosi a di pisiten di woo mëni di dëdë fëën u?