I ta biibi taa Jehovah o du dee soni dee a paamusi u tuutuu ö?

Josua ku Salumon bi taki taa Jehovah bi du hii dee soni dee a bi paamusi de (Jos 23:14; 1Kön 8:56). Dee tu womi aki bi lei taa dee soni dee Jehovah bi paamusi bi pasa tuutuu, nöö de ta heepi u fuu ko ta biibi Jehovah möön gaanfa taa a o du dee soni dee a paamusi u tu. ​—2Ko 13:1; Tit 1:2.

Unfa Jehovah bi du dee soni dee a bi paamusi Josua? I ku i wosudendu sa luku di fëlön ’Hii dee soni dee Jehovah taki ko tuu’. Baka di dë, nöö un piki dee hakisi aki: (1) Unfa i sa djeesi Lakabu a di biibi di a bi abi? (Heb 11:31; Jak 2:24-26) (2) Unfa di woto u Akan ta lei u taa te wan sëmbë an ta piki Jehovah buka, nöö a ta tja hogi ko dëën? (3) Hii fa dee womi u Gibion bi dë feti womi, tökuseei faandi mbei de bi ganjan Josua ko mbei mati ku dee Isaëli sëmbë? (4) Unfa dee soni dee Jehovah bi taki bi pasa tuutuu di dee feifi könu u dee Amon sëmbë bi ko feti ku dee Isaëli sëmbë? (Jos 10:5-14) (5) Unfa Jehovah bi heepi i u di i ta buta di Könuköndë a di fosu kamian a i libi?​—Mt 6:33.

Te u ta sindo pakisei u hii dee soni dee Jehovah du, dee a ta du nöunöu, ku dee a o du jeti, nöö woo ko ta biibi ën möön gaanfa taa a o du dee soni dee a paamusi u.​—Lo 8:31, 32.