Na mbei soni ko poi di tööu libi fii

Jehovah ta si di buka di wan womi ku wan mujëë mbei di de tööu kuma wan gaan soni. Nöö a taki taa de musu dë ku deseei u nöömö (Mt 19:5, 6). Sömëni baaa ku sisa dë di abi wan bunu tööu libi, nöö u sa djeesi de. Ma na wan tööu libi dë söndö föutu. Bookohedi o ta dë. Wa musu ta si soni kumafa dee sëmbë u di goonliba aki ta si soni, taa te soni an nango bunu a di tööu libi, nöö paati nasö booko tööu da di möön bunu soni u du. Andi Keesitu sëmbë di tööu sa du u soni an ko poi di tööu libi u de?

Luku feifi fanöudu soni.

1. Tjubi i hati, u di joo ta köni u na lobi wan woto sëmbë di an dë i manu nasö i mujëë, söseei u di ja o ta luku nasö ta haika fanafiti soni u womi ku mujëë dee sa poi di tööu libi fii.​—Mt 5:28; 2Pe 2:14.

2. Du soni fii ku Jehovah ko dë möön gaan mati, söseei i musu ta kë du soni u di tööu libi fii sa ta kai ku ën. ​—Ps 97:10.

3. I musu ta mbei möiti fii ko dë wan njunjun sëmbë di abi njunjun fasi, nöö ta du pikipiki soni da di sëmbë di i ku ën tööu faa ta fii taa i lobi ën.​—Kol 3:8-10, 12-14.

4. Un musu abi di guwenti u ta fan ku unuseei, ma a wan lesipeki fasi.​—Kol 4:6.

5. Un musu ta fii da unuseei a di tööu libi, söseei u musu lobi unuseei.​—1Ko 7:3, 4; 10:24.

Te Keesitu sëmbë ta lesipeki di seti u di tööu libi, nöö de ta lei taa de ta lesipeki Jehovah, di Sëmbë di seti ën.

LUKU DI FËLÖN U MUSU ’TA KULE A DI PASI LIBA NÖÖMÖ’​—HOI ISEEI A DEE WËTI U DI FIA KULE, NÖÖ BAKA DI DË, PIKI DEE HAKISI AKI:

• 

  Hii fa wan tööu libi sa bigi bunu seei, tökuseei un bookohedi sa dë?

• 

  Unfa dee mama wëti u Bëibel sa heepi wan sëmbë di tööu, ma di ta fii kuma lobi an dë a di tööu libi fëën?

• 

  Un wëti Jehovah buta da sëmbë di tööu?

• Andi wan womi ku wan mujëë di tööu musu du ee de kë abi wan bunu tööu libi?