Wooko ku di buku I sa dë waiwai u teego!, u heepi sëmbë u de ko abi biibi a Jehovah ku Jesosi

Ee wan sëmbë di ta lei soni u Bëibel kë u Gadu feni ën bunu, nöö a musu ko abi wan taanga biibi (Heb 11:6). U sa heepi de u de du di soni aki te u ta lei de soni ku di buku I sa dë waiwai u teego! Di buku aki abi fanöudu Bëibel tëkisi, soni di an taanga u fusutan, fanöudu hakisi, fëlön di ta da sëmbë degihati, ku sömëni waitiwaiti peentje. Te u ta heepi wan sëmbë di ta lei soni u Bëibel u ko abi dee fasi di Keesitu sëmbë musu abi, söseei u de ko dë mati ku Gadu, nöö de o sa hoi dou te tesi ta miti de.​—1Ko 3:12-15.

So sëmbë ta feni taa a dë wan taanga soni u ko dë Gadu mati, u di de an ta si ën. Fëën mbei u musu heepi de u de ko abi biibi a Jehovah, söseei u de lobi dee fasi fëën.

LUKU DI FËLÖN WOOKO KU DI BUKU „I SA DË WAIWAI U TEEGO!”, U KO ABI BIIBI A JEHOVAH, NÖÖ BAKA DI DË, PIKI DEE HAKISI AKI:

• Unfa u du sabi taa di sisa bi seeka hënseei bunu da di studie?

• Unfa a bi wooko ku hakisi faa bi sa heepi di studie faa bi sa taki unfa a ta pakisei u di soni di sikifi a Jesaaja 41:10, 13?

• Unfa di fëlön ku dee Bëibel tëkisi bi heepi di studie?

Sömëni sëmbë an ta kaba fusutan soni u di lusupaima, nasö de an ta kaba si ën kuma wan kado di Gadu da hiniwan fuu apaiti (Ga 2:20). Fëën mbei, u musu heepi de u de ko abi biibi a di lusupaima u Jesosi.

LUKU DI FËLÖN WOOKO KU DI BUKU „I SA DË WAIWAI U TEEGO!”, U KO ABI BIIBI A JESOSI, NÖÖ BAKA DI DË, PIKI DEE HAKISI AKI:

• Unfa u du sabi taa di baaa bi seeka hënseei bunu da di studie?

• Unfa a bi wooko ku dee soni dee dë a di pisi „Woto soni di i sa luku” u heepi di studie?

• Faandi mbei a dë fanöudu fii ta begi da di sëmbë di i ta lei soni u Bëibel?