Wooko ku di brochure nasö di buku I sa dë waiwai u teego! a di peleikiwooko

U wai seei taa u abi wan njunjun brochure ku wan njunjun buku u lei sëmbë soni u Bëibel! U ta begi Jehovah faa mbei soni waka bunu da u, u dee möiti dee woo mbei u heepi möön hia sëmbë u ko toon bakama u Jesosi (Mt 28:18-20; 1Ko 3:6-9). Unfa u sa wooko ku di njunjun brochure ku di njunjun buku aki?

U di di buku I sa dë waiwai u teego! ta lei u wan njunjun fasi fa u sa lei sëmbë soni u Bëibel, mbei a dë fanöudu fuu wooko ku dee soni dee sikifi a basu aki te woo seeka useei a fesi, söseei te woo lei sëmbë soni u Bëibel.a

• Lesi di woto, nöö un taki u dee hakisi

• Lesi dee tëkisi dee sikifi „lesi”, nöö heepi di sëmbë di i ta lei soni u Bëibel, faa fusutan unfa a sa du dee soni dee sikifi a di tëkisi

• Pëë dee fëlön, nöö un taki u de, nöö un luku dee hakisi dee nama ku dee fëlön

• Pooba u kaba wan hii woto wan pasi

Te i dë a di peleikiwooko, nöö i sa da wan sëmbë di brochure ufö, u hai hën pakisei faa kë ko lei soni u Bëibel. (Luku di pisi „Unfa i sa da wan sëmbë di brochure, I sa dë waiwai u teego! di fosu pasi di i miti ën” a bladsëidë 16.) Ee i kaba lei di sëmbë soni ku di brochure, hën a kë go dou, nöö i sa dëën di buku, nöö un bigi ku woto 4. Ee i ta lei wan sëmbë soni ku di buku Andi di Bëibel ta lei u tuutuu? nasö ku di buku Meki Gado tan lobi yu, nöö un sa aba go a di buku I sa dë waiwai u teego!, nöö un sa luku naasë woon bigi.

LUKU DI FËLÖN U WAI TAA JOO LEI SONI U BËIBEL, NÖÖ BAKA DI DË, PIKI DEE HAKISI AKI:

• Andi dee sëmbë dee u ta lei soni u Bëibel o lei a di njunjun buku?

• Faandi mbei a bi o bunu fii lei dee njunjun sëmbë dee i ta lei soni u Bëibel di fëlön aki?

• Un maaka i sa da di sëmbë di i ta lei soni u Bëibel degihati faa buta dëën seei, söseei faa dou? ​—Luku di pisi „Soni di woo lei” ku „Soni di i sa du”