I ta si unfa Jehovah ta piki dee begi fii ö?

Di Bëibël abi sömëni woto u sëmbë di Jehovah bi piki di begi u de. Te dee dinima u Jehovah bi ta si unfa a bi ta piki dee begi u de te de bi abi bookohedi, söseei unfa a bi ta heepi de, nöö di biibi u de bi ta ko möön taanga. Fëën mbei a dë wan bunu soni fuu ta piki Jehovah andi da wan soni di u kë faa du da u, nöö baka di dë, u musu pooba u si unfa Jehovah ta piki dee begi fuu. Hoi a pakisei taa Jehovah sa piki dee begi fuu a wan hii woto fasi möön fa u bi mëni. (2Ko 12:7-9; Ef 3:20) Andi Jehovah sa du u piki dee begi fuu?

• A ta da u kaakiti, söseei wan taanga biibi fuu sa pasa wan bookohedi di u abi.​—Fp 4:13

• A ta da u di köni di ta heepi u fuu du bunu soni.​—Jak 1:5

• A ta da u di taanga ku di kaakiti di u abi fanöudu u du wan soni.​—Fp 2:13

• A ta heepi u fuu wa buuja te u ta fëëë.​—Fp 4:6, 7

• A ta mbei wotowan ta heepi u, söseei ta da u taanga.​—1Jo 3:17, 18

• A ta heepi dee sëmbë dee u ta begi da.​—Tja 12:5, 11

LUKU DI FËLÖN JEHOVAH DA DI „SËMBË DI TA HAIKA BEGI”, NÖÖ BAKA DI DË, PIKI DEE HAKISI AKI:

• Unfa di woto u Baaa Shimizu ta da u taanga ee wa sa du hia soni sö möön kumafa u bi guwenti, u di di gösöntu fuu an ta da u pasi?

• Unfa u sa djeesi Baaa Shimizu?