Unfa u sa hoi dou te sëmbë ta du ku u?

Lesi Kenesesi 37:23-28; 39:17-23, nöö i luku andi i sa lei u di fasi fa Josëfu bi hoi dou di sëmbë bi ta du ku ën.

Lei möön soni u di woto. Faandi mbei sëmbë bi ta libi hogi ku Josëfu? (Ken. 37:3-11; 39:1, 6-10). Un longi Josëfu bi musu hoi dou di de bi ta du ku ën? (Ken. 37:2; 41:46). Andi Jehovah bi du u heepi Josëfu, nöö andi an bi du dëën?​—Ken. 39:2, 21; w23.01 bld. 17 pal.13.

Öndösuku soni möön fini. Hii fa mindi di mujëë u Potifali bi mindi soni da Josëfu, tökuseei di Bëibel an ta taki taa Josëfu taa mindi a bi ta mindi soni dëën. Unfa dee tëkisi dee sikifi a basu aki sa heepi u fuu ko fusutan faandi mbei Josëfu an bi taki na wan soni? Nasö faandi mbei di Bëibel an taki soni u di woto fëën finifini? (Nöng. 20:2; Joh. 21:25; Tjab. 21:37). Andi da dee fasi dee i si kuma bi heepi Josëfu faa bi sa hoi dou di sëmbë bi ta libi hogi ku ën?​—Mik. 7:7; Luk. 14:11; Jak. 1:2, 3.

Pakisei luku andi i lei. Hakisi iseei taa:

• ’Un hogi sëmbë sa du ku mi u di mi da wan bakama u Jesosi?’ (Luk. 21:12, 16, 17; Heb. 10:33, 34)

• ’Unfa mi sa du soni nöunöu kaa di sa heepi mi u mi sa hoi dou te sëmbë ta libi hogi ku mi?’ (Ps. 62:7, 8; 105:17-19; w19.07 bld. 2-7)