Dee soni di Bëibel bi taki a fesi ta ko tuu

Bëibel an ta taki u soni di bi pasa nöö, ma a ta taki söseei u soni di o pasa a di ten di ta ko. Libisëmbë an sa taki a fesi andi o pasa. Hën mbei u sabi taa Gadu hën da u di Bëibel. Andi di Bëibel ta taki u di ten di dë a u fesi ta ko?

A ta taki u wan gaan feti u Gadu. A di feti dë Gadu o puu hii hogilibi ku hogihati sëmbë a goonliba, ma a o tjubi dee sëmbë dee ta dini ën. Jesosi Keesitu, di Könu u Gadu, o mbei taa dee futuboi u Gadu libi bööböö ku waiwai, nöö de an o ta siki nasö dëdë möön.

U sa dë waiwai taa Gadu o mbei wan njunjun paladëisi a goonliba, na sö nö? Ma u musu du wan soni ee u kë libi a di paladëisi dë. A di lasiti woto u di buku aki u ta lei andi u musu du fuu sa feni dee waiti soni Gadu kë da dee sëmbë dee ta dini ën. Fëën mbei u kë fii lesi PISI 8 fii sa si andi di Bëibel ta taki u di ten di dë a u fesi ta ko.