Wan Könuköndë di o tii hii di goonliba

I sabi di Könuköndë aki ö?— Aai, hën da di Könuköndë u Gadu. Di Könuköndë aki o mbei di goonliba ko toon wan paladëisi. I kë ko sabi möön soni u di Könuköndë aki ö?—

Hiniwan Könuköndë abi wan könu. Di könu dë ta tii dee sëmbë u di köndë fëën. I sabi ambë da di könu u di Könuköndë u Gadu ö?— Awa, hën da Jesosi Keesitu. A ta libi a Gadu Köndë ala. Abiti möön a o toon könu u hii sëmbë a goonliba! I si kuma woo ta dë waiwai te Jesosi o dë Könu ta tii di goonliba u?—

Woo ta dë waiwai seei! A di Paladëisi, sëmbë an o ta feti möön. De o ta lobi de na de. Sëmbë an o ta siki möön, nöö de an o ta dëdë möön tu. Dee bookowojoma o ta si soni, dee bookojesima o ta jei soni, söseei dee sëmbë dee an bi sa waka o ko ta waka, ta kule, ta djombo seei. Hii sëmbë o ta feni soni u njan. Dee mbeti o ta libi fiifii ku deseei, söseei ku libi sëmbë. Sëmbë di bi dëdë o toona ko a libi baka. A di piki buku aki, u bi lei soni u Lebeka, Lakabu, Dafiti ku Elia. Gadu o weki dee womi ku dee mujëë aki u de seei toona ko a libi baka! I bi o kë miti de te de toona ko a libi baka u?—

Jehovah lobi i, nöö a kë fii ta dë waiwai. Ee i ta lei soni u Jehovah go dou, söseei ee i ta piki hën buka, nöö joo sa libi u teego a wan hanse paladëisi! I kë libi naandë u?—