KANDA 71
U ta feti da Jehovah!
(Efeise 6:11-14)
1. U da sëmbëu Jehovah
di ta feti dëën.
Jesosi hën dau Könu,
Saatan an’o sa winiu.
U ta du di wooko fuu
di Jehovah dau.
Wa ta fëëë dee sëmbë
dee ta kë tapau.
(PIKI U DI KANDA)
U da sëmbëu Jehovah
di ta feti dëën.
U ta paaja’i buka:
„Gadu bigi tii.”
2. U ta dini Jehovah.
U ta wooko dëën.
Nöö u ta suku sëmbë
u de sa tei’ën së.
U ta lei de soni tu.
U ta da de lai.
Te de ko a zali,
de ta dë ku wai.
(PIKI U DI KANDA)
U da sëmbëu Jehovah
di ta feti dëën.
U ta paaja’i buka:
„Gadu bigi tii.”
3. U da sëmbëu Jehovah
di ta feti dëën.
Jesosi hën ta heepiu
fuu sa dëa Gadu së.
Wa ta disa’i Gadu fuu,
u ta feti dëën.
Hii ten woo ta hoi dou,
u di wa ta fëëë.
(PIKI U DI KANDA)
U da sëmbëu Jehovah
di ta feti dëën.
U ta paaja’i buka:
„Gadu bigi tii.”
(Söseei luku Fil. 1:7; Filem. 2.)