WOTO 4

Soni di i sa taki ufö i lesi wan tëkisi

Mateosi 22:41-45

DI SONI DI I MUSU DU: Ufö i lesi wan Bëibel tëkisi, nöö be dee haikama sabi faandi mbei joo lesi di tëkisi.

Pakisei faandi mbei i kë lesi di tëkisi. Ufö i lesi wan tëkisi, nöö taki soni di o heepi di sëmbë u sabi andi i kë lei ën ku di tëkisi.

Luku dee woto vers u di kapitë tu. Te joo taki ambë ta fan a di tëkisi nasö ambë sikifi di Bëibel buku, nöö i musu dë seiki taa a dë sö tuutuu.
Wooko ku di Bëibel u lei sëmbë soni. Te i ta fan ku sëmbë di ta biibi a Gadu, nöö lei de taa di Bëibel da di „Wöutu u Gadu”. A sö wan fasi i ta mbei de si taa dee soni dee i ta lei de kumutu a Gadu.
Be dee haikama kë lesi di tëkisi. Buta wan hakisi di di tëkisi o piki. Taki u wan booko hedi di di tëkisi o heepi de ku ën. I sa kai wan soni di Gadu feni bunu nasö di an feni bunu, nöö taki u wan woto di dë a Bëibel u lei faandi mbei a bunu fuu ta haika Gadu.

Luku andi dee haikama sabi kaa u di woto ku di tëkisi. Ee joo lesi wan tëkisi di hia sëmbë sabi, nöö i sa taki wan soni di o mbei de buta pakisei a di tëkisi baka.