Heepi wotowan u de fusutan di soni di i ta taki

1 Kolenti 14:9

DI SONI DI I MUSU DU: Heepi dee haikama u de fusutan di soni di i kë lei de bumbuu.

FA I MUSU DU ËN:

• Öndösuku di woto di joo konda finifini. Mbei möiti u ko fusutan di woto bumbuu, sö taa i sa kondëën a wan fasi di an taanga u fusutan da dee haikama.

• Taki soni sati, nöö de an musu taanga u fusutan. Hii fa an föutu u taki wan soni langa, tökuseei a bi o bunu fii taki soni sati, te i ta taki u wan fanöudu soni.

• Booko wan wöutu a piki möni ee sëmbë an sabi ën. Ee a sa, nöö na kai wöutu di dee haikama an sabi. Te joo taki u wan sëmbë di de an taki hia soni fëën a di Bëibel, nöö konda möön soni fëën da dee haikama. Söseei ee joo taki u wan guwenti fu awooten nasö u wan soni di de bi ta wooko ku ën u maaka soni, nöö booko ën a piki möni da de tu.