Taki soni di o hai sëmbë pakisei

Andi Jesosi bi du?

FËLÖN: Jesosi ta fan ku wan mujëë di ko ba wata

1. Luku di FËLÖN, nasö lesi Johanisi 4:6-9. Baka di dë, nöö i buta pakisei a dee soni aki:

1. Andi Jesosi luku ufö a bigi fan ku di mujëë?

2. Jesosi bi taki taa: „Da mi wan piki wata mi bebe.” Faandi mbei di lö fasi aki u bigi fan ku di mujëë bi bunu?

Andi u ta lei a Jesosi?

2. Ee u taki wan soni di hai di sëmbë pakisei te u bigi fan ku ën, nöö u ku ën o sa fan a wan bunu fasi go dou.

Djeesi Jesosi

3. Na suku u taki di soni di i abi a pakisei nömönömö. Ja musu kë taki nömönömö di soni di i bi seeka iseei fii taki. Ma bigi di fan ku wan soni di wotowan ta taki fëën a di ten dë. Hakisi iseei dee soni aki:

1. ’Andi de taki a njunsu dee ten aki?’

2. ’Fuun soni dee sëmbë dee ta libi a mi bandja, dee sëmbë dee mi ku de ta wooko nasö dee mii dee mi ku de nango a siköö ta taki?’

4. Buta pakisei a dee soni dee i ta si. Hakisi iseei dee soni aki:

1. ’Andi di sëmbë ta du? Andi a sa ta pakisei?’

2. ’Te mi luku dee soni di di sëmbë bisi, di fasi fa a dë nasö di wosu fëën, nöö andi de ta lei mi u dee soni dee a ta biibi nasö u di föluku sëmbë di a dë?’

3. ’Di juu aki bunu u mi fan ku di sëmbë u?’

5. Haika di sëmbë.

1. Na fan tumisi.

2. Heepi di sëmbë faa piki i unfa a ta pakisei. Te a fiti, nöö i sa hakisi ën wantu soni.