Fan a wan fasi di o mbei sëmbë kë haika i

Andi Filipi bi du?

FËLÖN: Filipi ta peleiki da di womi u Etiopia

1. Luku di FËLÖN, nasö lesi Tjabukama 8:30, 31. Baka di dë, nöö i buta pakisei a dee soni aki:

1. Unfa Filipi bi bigi di fan?

2. Faandi mbei u sa taki taa a bi bigi di fan a wan bunu fasi, di mbei taa a bi sa lei di womi wan soni di an bi sabi jeti?

Andi u ta lei a Filipi?

2. Te u ta fan ku wan sëmbë a wan fasi di o mbei a kë haika u, nöö di sëmbë an o fëëë u fan ku u, söseei a o kë jei andi u ta piki ën.

Djeesi Filipi

3. Buta mëni a dee soni dee i ta si. I sa lei sömëni soni u wan sëmbë te i luku di fasi fa a taanpu, dee soni dee a ta mbei ku hën maun nasö ku hën fesi. I ta si kuma di sëmbë kë fan ku i ö? I sa konda soni u Bëibel da wan sëmbë kaa, te i hakisi ën taa: „I bi sabi taa . . . ?” Na duwengi wan sëmbë faa fan ku i ee i si taa an kë fan ku i.

4. Hoi pasensi. Ja musu si kuma i musu u konda wan soni u Bëibel da di sëmbë wantewante. Luku di ten di bi o möön bunu a di fan dendu fii sa konda wan soni da di sëmbë. So juu a sa dë taa di woto pasi di i ku di sëmbë o fan, hën o dë di möön bunu ten.

5. Bia du soni woto fasi te a dë fanöudu. A sa pasa taa di sëmbë taki wan soni di ja bi mëni. Fëën mbei i musu dë kabakaba u konda wan soni da di sëmbë di a sa lobi, ee a musu ko pasa seei taa na di soni di i bi abi a pakisei bigibigi i musu konda dëën.