„Be di Könuköndë fii ko”—Wan soni di hia sëmbë lo’ u taki te de ta begi
I bi begi wan pasi kaa u di Könuköndë u Gadu ko u? A dee höndöhöndö jaa dee pasa, milionmilion sëmbë ta taki „Be di Könuköndë fii ko” te de ta begi. Faandi mbei de ta begi sö? Wë u di Jesosi bi piki dee bakama fëën taa de musu ta begi u di Könuköndë u Gadu ko.
Bigibigi, dee bakama u Jesosi an bi kaba fusutan hii soni u di Könuköndë. De bi hakisi ën wan pasi taa: „Wë Masa, unfa joo du? Joo puu dee Loomë sëmbë a u dee Isaëli sëmbë liba awaa, fuu sa toona tii u seei baka nö?” Jesosi an bi piki de gbelin na un ten di Könuköndë u Gadu bi o ko, nöö kandë di soni dë bi toobi de (Tjabukama 1:6, 7). Di soni aki kë taki taa wa o sa ko sabi andi da di Könuköndë u Gadu, söseei na un ten a o ko u? Na seei! U sa ko sabi dee soni dë!
A Di Hei Wakitimawosu aki woo piki dee hakisi aki:
Faandi mbei u abi di Könuköndë u Gadu fanöudu?
Ambë da di Könu u di Könuköndë u Gadu?
Na un ten di Könuköndë u Gadu o tii goonliba?
Andi di Könukönde u Gadu o du?
Faandi mbei u musu tei di Könuköndë u Gadu së nöunöu?
Andi da di Könuköndë u Gadu?