Andi da di Könuköndë u Gadu?
Sömëni sëmbë ta begi u di Könuköndë u Gadu ko. Ma i bi hakisi iseei kaa ee andi da di Könuköndë u Gadu ö? Söseei i bi hakisi iseei ee andi a o du ö?
LUKU ANDI DI BËIBEL TA TAKI:
Andi da di Könuköndë u Gadu?
A dë wan tii di dë a liba ala, nöö Jesosi Keesitu da di Könu u di tii dë.—Jesaaja 9:6, 7; Mateosi 5:3; Lukasi 1:31-33.
Andi di Könuköndë u Gadu o du?
A o puu hii dee hogi soni dee ta pasa a goonliba, nöö a o tja bööböö libi ko da sëmbë a goonliba.—Daniëli 2:44; Mateosi 6:10.
Andi a kë taki u suku di Könuköndë u Gadu fosu?
Wan sëmbë ta suku di Könuköndë u Gadu fosu te a ta du soni u heepi ën, söseei te a abi di biibi taa hën o mbei dee soni di Gadu abi a pakisei da liba ala ku goonliba aki, pasa tuutuu.—Mateosi 6:33; 13:44.